sogo大減價而黎到銅鑼灣，先食個午餐再血拼吧。上oc search 一下，見呢間little vegas幾多好評，啲相又吸引，就黎呢度食啦。
侍應安排左窗口座，個景觀唔錯，但當日都幾曬下，曬住對眼有啲難睇野。
小擺設
糖果杯
牆上，地下，枱凳都有唔少噴畫，枱上擺設很色彩，餐廳感覺很歡樂。
食物都幾多野揀，pizza，意粉，沙律，甜品等，睇相覺得早餐最吸引，所以都係要左兩份早餐share食。
另外仲叫左龍蝦湯，好creamy，但鹹左少少。只叫左一客，但侍應好好，幫我地分開上share。
跟湯的麵包，剛烤過幾軟熟，塗牛油好味。
很期待的班尼廸蛋早餐，水波蛋兩個，下面有煙三文魚，英式鬆餅，煙肉，腸仔，茄汁豆，蕃茄，同少少沙律菜。光睇就覺得份量超大，賣相好靚呀。
早餐腸同係美國食的一樣味，皮脆，咬落去肉汁爆飛，正。煙肉煎得脆口，帶有鹹香。蕃茄是烤過的，多汁，茄味亦濃。倒是最期待的水波蛋有點失望，沒有預期的爆漿效果，煙三文魚味較淡，而那塊英式鬆餅因為水蒸氣而軟掉了。
友人叫了水牛城早餐，份量就更大了。同樣有腸仔，一大塊漢堡扒，黑松露炒蛋，炒雜菌，茄汁豆，沙律菜，同一個麵包圈。侍應提醒begal要襯熱食，放涼了就會韌，味道其實不差，但begal真係從來都唔鐘意食，只食了上層就投降了。雜菌十分新鮮，有菌味，比起罐頭，新鮮的當然好吃十陪。炒蛋下了不少牛奶，好滑，上面帶有黑松露醬，香而不膩。漢堡扒十分有肉味，好厚，但仲好juicy，好食呀。
跟餐嘅餐飲要了凍綠茶，賣相好靚呀，清甜解膩，好飲。
另一杯要了熱咖啡，我覺得太濃了，要了double cream解苦。
對女仕門而言份量太大了，建議多人叫多幾款小食share食，一個人無可能食得哂一份早餐啦。
堂食等位時間: 0 分鐘 (堂食)
用餐日期: 2014-11-15
是次消費: 每人約HK$165 (午餐)
評分: 味道 4 環境 5 服務 4 衛生 4 抵食 3
