晏晝係到元朗廣場逛逛，本來想食車仔麵，但人太多，黎左食上海野。
食客大力推薦北京水餃同上海雲吞，但一心想黎食蔥油餅同粢飯，都係留返下次先啦。
食上海野一定要叫返杯豆漿，豆味不錯，有點太甜。
蔥油餅，切成四片上，方便入口。熱辣辣有咬口，好多蔥，但味較淡，點左啲辣醬食更惹味。
最想食嘅粢飯，好熱好燙手呀，要小心啲撕開塊保鮮紙。肉鬆鹹菜同油炸鬼都好好味，同飯比例剛好，食完飽哂好滿足。
下次再黎試下麵食先，我見隔離枱個碗好正咁。
堂食等位時間: 0 分鐘 (堂食)
用餐日期: 2014-11-16
是次消費: 每人約HK21 (午餐)
評分: 味道 4 環境 3 服務 3 衛生 3 抵食 4
