去樂園玩完，到元朗食個宵夜吹下水先散band，揀左大家都想食雞翼尖嘅好地方佳記甜品。哈哈，其實大家都淨係知佢叫B仔涼粉，無人講得出佢個真店名。
跟平常一樣十分多人，店裏店外都坐爆，零伙計招乎，自己揾位啦。有一樣吉枱係角落，但無凳又超迫，好辛苦先迫到入去，周圍去搶凳，撞到唔少附近食客。
玩完一日，又累又渴又肚餓，叫左幾個小食同飲野share先。
滷水雞中翼，講真無乜特別，滷得幾入味，雞翼夠熱又幾嫩滑咁，唔特別得黎又好好食喎。
雞亦尖，叫左兩盤，大家一齊食到夠為止。辣，真係好辣，但辣得好過引，停唔到口，呢樣必食！
腸粉加魚蛋齊醬多豉油，又係要左兩盤，一份大一份細，份量真係好隨意…腸粉滑溜但有咬口，好味。魚蛋就一般啦，無乜味又比較粉。
飲品，兩杯芒果汁兩杯西瓜汁，唔知點解等左成個鐘先黎，食雞翼食到好辣好想飲野吖，唔知係咪咁，杯野特別好飲，好清甜，解渴又解辣。
零服務同零環境就預左，野食確實係唔錯，價錢又合理，當係揾個地方吹下水都要啦。
