聽聞呢度啲碟頭飯好抵食，咁同啲同事黎試下先。
原來呢度有三款餸揀，唔似出面啲茶餐廳得兩樣，餐肉，蛋，腸仔，火腿是但兩樣再加主食，又真係幾抵食喎。汁有燴汁，咖喱汁，黑椒汁，豉油汁四樣，包一杯熱餐飲。
漢堡扒火腿煎蛋配咖哩汁
意粉一大盤，炒過，軟硬適中。兩塊漢堡扒，煎得香口，火腿，雞蛋則煎定，有點冷了。咖哩汁分開上，好香椰汁味，都頗辣的，唔錯唔錯。
漢堡扒炒蛋火腿配黑椒汁
友人叫的，基本上一樣，轉左做黑椒汁，友人話辣同鹹左啲，下次要少汁喎。
吉列豬扒火腿煎蛋配燴汁
另一日又黎食過，今次要出名嘅吉列豬先，真係好大塊，剛炸起熱辣辣好味呀，又脆又有肉汁。燴汁入面真係有幾塊蕃茄，酸酸地幾開胃。不過白飯有啲凍，下次都係要返意粉。
熱利賓納
跟水比例剛好，不過甜，好飲。
熱檸茶
茶太濃，有啲飲苦茶feel，哈哈。
老闆同啲伙計都好友善，餐具各樣都幾乾淨，比一般茶記衛生，會再黎的。
堂食等位時間: 0 分鐘 (堂食)
用餐日期: 2014-12-03
是次消費: 每人約HK38 (午餐)
評分: 味道 4 環境 3 服務 3 衛生 4 抵食 4
