同友人門出發去樂園玩，玩前先食個午餐，本想去麗江，但人潮多得恐怖，轉場黎到譚仔，人也不少，等上廿十分鐘先有枱。
店內十分熱，完全無冷氣，有點缺氧感，但等左咁耐先有位，好好醜醜都食飽先算。
一張圓枱坐左七個大人一個細路，迫到無朋友…
點左至愛嘅皮蛋，好綿又夠辣，好味。
土匪雞翼，超級鹹，乜咁重手呀，調味料太多啦，唔好食。
炸醬清湯米線，正正常常，清湯底都幾鮮甜，炸醬肥瘦肉比例均衡，帶微甜同少少辣，幾好味，但米線好似未煮熟咁，好硬，太多客煮唔切掛。
而且店內實在太熱太迫，食完立即離枱，坐多一分鐘都唔想。
堂食等位時間: 20 分鐘 (堂食)
用餐日期: 2014-10-11
是次消費: 每人約HK45 (午餐)
評分: 味道 2 環境 1 服務 2 衛生 2 抵食 3
