最近好似越黎越難等位，上一次等左成三十分鐘唯有轉場，今次都等成廿分鐘，好彩最後都有枱。
午餐餐牌無變過，都係個幾十款餐，不過其實都算好多款揀了。
依舊又滑又夠濃嘅白湯。
返熱過嘅麵包軟綿綿，好好味。
焗肉醬意粉，肉醬有香草味，鹹甜適中，份量亦滿意。
焗豬扒意粉，豬扒仲多過意粉認真抵食，今次個汁略甜，都ok嘅。
吞拿魚三文治炸魚沙律，三文治夾左唔少餡，食到跌哂出黎好狼狽，炸魚鬆脆不錯。
但沙律唔掂喎，真係比幾粒雜果加沙律醬就算？求其左啲下？？
雞扒腸仔意粉黑椒汁，好味，意粉炒過更香口。
熱啡，香滑ok。
熱檸茶，茶味淡啲，都幾好。
間舖越黎越忙，侍應態度越黎越冷淡，已前好好多。
堂食等位時間: 20 分鐘 (堂食)
用餐日期: 2014-11-17
是次消費: 每人約HK40 (午餐)
評分: 味道 4 環境 4 服務 3 衛生 3 抵食 3
