放工黎個happy hour，食個放題。
預先book左位，黎到都見幾多人等緊，諗住行去櫃臺問下個侍應，未開聲個侍應用一副不耐煩嘅聲音講叫排隊等清場，望都無望咁講，未食已經食左佢啖氣。
唔見有人排隊囉，一夠鐘啲人就沖入去，咩料呀？要搶先有得食？
被安排坐最後嘅窗邊位，兩個人坐張四人枱，又幾闊幾好坐。
order紙都幾多款，不外乎刺身，壽司，手卷，串燒咁，快快寫紙先。
收紙速度其慢，啲侍應游緊魂，做到最後一場攰啲我都明嘅。
點左好多野，但近乎全部無黎，追左單又返落左都無黎…第一次食放題係食唔飽嘅…點都好，講下食物先。
枝豆，偏鹹，都ok嘅。
無哂牛油果菜沙律，侍應拎左牛油果吞拿魚沙律黎問要唔要，算啦，都差唔多啫，味道幾新鮮，但牛油果偏生，麻麻。
鐵板燒牛仔骨，牛舌，牛柳粒，全部都係十分鹹，淨係食到一口鹽，難食。
上面係送嘅刺身，兩隻蝦，四粒帶子，好鮮甜，全晚最好食。
下面係自己點嘅刺身，張紙有十九款揀，差唔多落左大半，但黎到份量減半，好多款無左，三文魚又出奇地多左？？尚算新鮮，但過左成個鐘先黎囉。
等左兩個鐘先再有食物黎，份量又係自動減半。
章魚丸，凍的，不好吃。
辣味雞亦，十分辣，十分鹹，浸完鹽水出黎？？
燒餅，正常味，有魷魚粒係入口，幾有口感，略粉。
海膽軍艦，唔新鮮，有腥味。
last order前半小時先點嘅一品鍋，意外地快到。番茄湯底好甜，甜到假，豚肉偏肥，都ok嘅，菜同冬菇正常。
吹單n次先黎嘅洋蔥圈，有炸粉無洋蔥嘅洋蔥圈。
死心了，咩都唔黎唯有叫甜品，又係自動減少份量。
櫻花雪糕，葯水味。
豆腐雪糕，怪味。
柚子雪糕，贊！呢個甜甜酸酸好正。
芒果布甸，好奶好滑，不過無芒果味。
牛奶凍，好香滑，好奶。
泡芙，賣哂？得返一粒，無乜味…
吹單吹到火先有得黎嘅串燒，翠玉瓜同茄子幾好，銀杏煙燶左，多春魚無春，菠蘿最離譜，有生肉味，咩料呀？？賣哂汁返黎燒過？？
全晚三個鐘就係等食，壽司失蹤，凍盤無左，串燒落三轉單黎左十份一份量，鐵板燒除左牛其他啲唔知去左邊？
侍應收碟快，落單就唔知去哂邊，全晚無refill過杯茶，食三個鐘飲左一杯水，仲要咁鬼鹹，做乜要迫人飲汽水呢？？
第一次食放題好似無食過野咁，呢個價錢去板x元x都可以食到飽囉。
堂食等位時間: 0 分鐘 (堂食)
用餐日期: 2014-11-26
是次消費: 每人約HK$261 (晚餐)
評分: 味道 2 環境 4 服務 1 衛生 3 抵食 1
