pizza仲可以揀兩個味合併，是日揀左魚米芝香同鍾意中鍾，後者呢個好搞笑，居然係中國臘腸，唔知咩味呢。
小食揀左蜂蜜雞翼，一客六隻，熱辣辣好香，雞翼皮脆肉嫩，真係好強烈嘅密糖味，好食。
魚米芝香，有吞拿魚，粟米，蟹柳等，用千島醬汁而唔係一般嘅茄汁，揀呢款都係因為千島醬呀，本身鍾意呢隻味。一切落去啲芝士好彭湃，好勁嘅芝士絲。芝味香濃，加埋甜甜酸酸嘅汁好好味，餅底十分鬆脆，個麵包邊飽肚又好味。
另一半要左鍾意中意，有辣肉腸，臘腸，蘑菇，菠蘿，蕃茄醬汁，見佢有臘腸咁搞笑一於試下呢款。原來又幾夾喎，焗過嘅臘腸又香又脆，唔講真係唔知可以咁食，至於蘑菇菠蘿辣肉腸都係pizza常見，加左臘腸即刻驚喜哂。
意粉一客就要左呢個叫孖煙通嘅，又係因為個名特別，原來係煙三文魚煙肉長通粉。
白汁加芝士焗過真係無敵好食，襯熱食啲半滆芝士真係好正。白汁長通粉本身較淡，但加埋煙肉同煙三文魚就啱啱好，一客份量都幾大。
一個二人餐基本上夠哂食，如果係女仔share，三個人都夠食。
堂食等位時間: 0 分鐘 (堂食)
用餐日期: 2015-01-23
是次消費: 每人約HK45 (午餐)
評分: 味道 4 環境 3 服務 4 衛生 4 抵食 4
