食完晚飯黎食甜品，係屋企附近新開左間叫密蜜嘅甜品屋，好似好靚咁，一於黎試下。
店很少，要等位，等左一陣就有枱，但真係幾迫下。
叫左幾款甜品share食，正呀。
星星月亮太陽，其實係楊枝金露，芒果拿破崙，意大利芒果雪糕。芒果味十足，賣相亦靚，有誠意之作。
和風抹茶心太軟，賣相同樣一流。
爆醬而出，滿滿嘅抹茶味真係唔講得少，十分正！！大力堆介！
店長堆介嘅黑色魅惑，層次十足，朱古力雪糕下面有朱古力奶凍，再下面有朱古力卜卜米，再加埋香蕉片，朱古力味強烈得黎又唔單調，啱哂朱古力愛人。
比利時窩夫，醬汁有濃濃嘅酒味，不會苦澀又不會過甜，窩夫烤得香脆，不錯。
除了迫了點，其他都十分滿意，又係滿足嘅一餐呢。
