約左朋友同家姐入元朗食飯，揀左食西餐，呢間早辰新開又多好評，就黎試下先。

店不大，好彩預先book左位，walk in客要等到九點後先有枱。

晚餐主菜價錢大約一百至二百蚊倒，可以加五十要埋菜湯同頭盤，四十蚊要甜品同餐飲，價錢公道。

是晚四位除左要左主菜，都加左頭盤，甜品同餐飲。 先上麵包，室溫，帶有籽同麥幾好食，加埋橄欖油同醋食仲正。 頭盤之一牛油果蕃茄蝦沙律
牛油果係至愛，二話不說揀左呢款頭盤，果然無失望，大量牛油果過足口引，加埋切碎蕃茄青新又開胃。 頭盤之二凱撒沙律
家姐揀嘅頭盤，一向鐘意食菜沙律，都估到佢會叫呢樣，菜新鮮，加埋芝士碎，煙肉碎，香口又健康。 頭盤之三鵝肝多士蕃茄多士
無試過呢個，友人話鵝肝煎得香口，蕃茄鮮甜，加埋脆口多士好夾喎。 頭盤之四忌廉白酒汁煮藍青口
友人鐘意食藍青口，又係唔使諗就揀左呢樣。忌廉汁好滑，淡淡酒香，青口味鮮，唔錯。 意大利雜菜湯
大量雜菜煲成嘅菜湯，口感豐富，略鹹了一點。 燒羊扒，扒茄子，燒薯，焗洋蔥，黑醋薄荷汁
食完頭盤就上主菜了，自己要了羊扒，貪其啖啖肉得黎又沒有牛扒膩，羊扒煎得剛好，要了七成果然無老，邊位的脂肪煎得香脆，入口甘香，不覺油膩。配菜同樣剛好，種類多，份量不多不少，口感絕不單調。 安格斯西冷牛扒，巴馬芝士放面焗，燒薯，扒菜
友人叫西冷扒，五成熟，上枱時好有氣勢。外面剛熟鎖住肉汁，肉嫩有牛香，不錯吃。 自家制蛋濶麵，鴨肉，雞肉醬茄汁
友人叫嘅濶麵，自家制果然同外面賣嘅濶麵唔同樣，味不錯，略汁稀了點，有點水溜溜嘅感覺。 雜菌意大利飯，義式忌廉芝士，巴馬芝士
家姐點嘅意大利飯，忌廉香滑包住每粒飯，菌香，另人不禁一口接一口呢，十分飽肚。 香桃茶
接著又點了甜品同飲品，先上了我要的香桃茶，用了可以隔茶葉的茶壺上，好香，但又唔似飲香水，去膩一流。 伯爵茶
家姐要嘅伯爵茶，同樣茶壺上，比香桃茶清，不錯。 熱綠茶泡沫牛奶
友人要了呢樣，無試，佢話好飲。 熱泡沫咖啡
另一人叫的，本想叫凍飲，但黎左熱，都ok，好香咖啡味。 青檸忌廉凍，燴雜啤梨，脆杏仁片
入口幾酸，有點像乳酪，香滑，雜苺杏仁片增加口感，三款甜品中最愛呢樣。 提拉米蘇
不像街上賣的tiramisu做成蛋糕形狀，什有驚喜。酸酸地嘅忌廉夾著咖啡味嘅蛋糕，口感濕潤，不錯。 蜜糖芭菲，松子仁，雜啤梨汁
甜甜的又帶有果仁香，有點像雪糕般軟滑，加上少少酸嘅梨汁，中和味覺，好味。

食完成餐十分滿足，飲多杯茶清清腸胃，一個茶壺可有兩三杯份量呢。

 

堂食等位時間: 0 分鐘  (堂食)
用餐日期: 2015-01-10 
是次消費: 每人約HK$200 (晚餐)

評分: 味道 4 環境 3 服務 3 衛生 3 抵食 3