黎到觀塘揾食，apm已有點膩了，來到旁邊的東廣場。嘩，從新裝飾過，多左好多食店，好旺喎。
想食意粉，黎左coffee art，好多人，啲枱排到去後面。裝卡片嘅杯仔，簡單又靚。
出名立體拉花，好多咖啡揀。
餐枱上嘅用具，有餐紙，good。
點左兩個午餐，隨午餐嘅沙律，細細杯紙杯上，菜新鮮加埋芝麻醬一流。
鮮茄醬墨西哥辣肉腸長通粉
茄味香濃，通粉有咬口，辣肉腸真係幾辣，但又未至於辣到入唔到口嘅，脆皮有肉味，好味。
另一份叫左黑松露忌廉汁意大利飯配巴馬火腿，唔要沙律而配綠茶多士，賣相好得喎。
試下味先，好creamy好香，意大利飯軟硬適中，火腿甘香不死鹹，而且好大碗好飽肚，抵食。
綠茶多士有點過甜，當係甜品咁食先。
餐飲要了洋甘菊，老闆建議加點蜜糖更好飲，果然好喎，清新得黎又甜甜地，同個意粉好match。
另一個要左green tea latte，只試了一口，好似無乜綠茶味咁？
店很少，坐位幾迫下，勝在員工同老闆都好熱情，食物又好味，下次坐出商場可能比係坐店內濶一點？！
堂食等位時間: 5 分鐘 (堂食)
用餐日期: 2015-01-07
是次消費: 每人約HK65 (午餐)
評分: 味道 4 環境 3 服務 4 衛生 3 抵食 4
