行完街，揾家姐食晚飯，揀左食泰國野。
無book位，但好彩時間尚早，未爆場，安排左坐房入面。坐位都幾闊落，嘅凳坐得幾舒服。
未有人坐，整整齊齊
餐具，無筷子嘅…
落完order，餐飲好快到。左係珍多冰，右係泰式奶茶。
珍多冰有班蘭條，大樹菠蘿條，椰汁味香濃，冰凍好飲。
奶茶無試，家姐話好飲。
冬蔭功湯(細)，望都望到好多料，有蝦，菇，香草等，味道十分香濃，但對我黎講辣左少少，啱哂嚐辣嘅朋友。
香芒軟殼蟹米紙卷，炸過嘅軟殼蟹好香口，入囗包住芒果，生菜，粉絲，再加埋甜酸汁一齊食，一啲都唔熱氣，食落好清新。
蒜蓉炒貴妃苗，嘩，好大碟，滿滿一盤。蒜蓉味不濃，炒得唔油，好鮮嫩仲好有青草味，好味。
燒牛柳沙律，又係滿滿一盤燒牛柳，有少少芹菜，但點都唔似沙律，牛柳嫩滑，甜甜辣辣，幾惹味。
泰式蝦炒金邊粉
賣相好靚，拆開個蛋皮有四隻大蝦，金邊粉韌韌地有咬口，甜甜酸酸好好味，同樣炒得唔油，食到底個碟都係乾身嘅。
靚靚牙籤盒
環境優美又乾淨，侍應有禮貌，不停refill水。食物比想像中大份量，兩個人食得飽飽好滿足。
堂食等位時間: 0 分鐘 (堂食)
用餐日期: 2015-01-03
是次消費: 每人約HK$230 (晚餐)
評分: 味道 4 環境 4 服務 5 衛生 4 抵食 4
