友人上次黎食過話好正，同出面啲日本菜舖完全唔同級數，比佢咁講兩講，自己又心郁郁想黎試下，咁就book定枱先。
由於係師傅拍板，所以book枱個陣要盡量講埋有咩唔食嘅，好讓師傅有個心理準備。友人唔食魚生，我又唔食得蝦蟹，師傅預備左唔同嘅野比我地架。
侍應好快送上綠茶，還有酸汁，海鹽，豉油，待會師傅會告知點邊一種增味。
先黎前菜三點，有點小辣嘅紅蘿蔔三文魚，口感清爽嘅小芋圓米通，檸檬香嘅魚干。
第一道日本珍蠔，相當肥美，入口嫩滑，帶少少海水鹹味，而上面放左少少酸嘅啫喱，入口即滆，令味道更突出。
好像叫鰹魚？刀功十足，肉質鮮甜，程透明狀，睇都覺得靚。
螢光魷魚軟身滋味，白子則有少少腥，不是我喜歡的味道。
銀雪魚，甘香肥美，油脂滿盈。
金目鯛，同上者大不同，這款口感札實，魚味十足。
燒帶子，超大size，塗左燒汁係面，帶子本身爽甜，每一口咬下彈性十足。
無花果天婦羅酸酸甜甜，沒有天婦羅嘅油感，實在無諗過呢樣生果可以做天婦羅，好有新意。另外仲梅味素麵，南瓜同蕃薯，素麵好靚，整到好似成珠花咁，咬落去香脆同勁強梅味。
燒油甘魚鮫，賣相亦是十分靚，燒得香口，魚油肥美，加一點白蘿蔔蓉同檸檬汁去油膩。
壽司五點，先黎第一樣，師傅話飯已沾了醬油，隨意加一點山葵即可，入口果然肥美軟腍。
海膽，用上日本的，鮮甜純美，入口即化。
赤奴魚，有口感的魚質。
燒拖羅，十分肥，一口咬下魚油滿溢，滋味難忘。
帶酸味嘅魚，忙了名字，只見師傅一面認真將魚肉打十字辮，好靚呀，酸酸地唔似食緊魚咁，有趣有趣。
厚燒嘅甜蛋，上面有少許柚子，甜甜酸酸，好清新。
傳統魚湯，器皿好特別，魚味十足，豆腐嫩滑。
日本蜜柑，師傅亦是很認真地去皮，酸酸嘅日本柑味。
紅豆雪糕，入面有粒粒紅豆，不太甜，令呢餐劃上完美句號。
看似份量不多，但原來好飽架，好好好滿足呀∼！
堂食等位時間: 0 分鐘 (堂食)
用餐日期: 2015-02-04
是次消費: 每人約HK$1000 (晚餐)
評分: 味道 5 環境 5 服務 5 衛生 5 抵食 3
