麻辣雞煲就食得多，芝士雞煲就第一次聽，全港首創咁勁，梗係要黎試下先。
六點幾黎到，已經開始等位，店偏少，坐位不多，亦有點迫，勝在冷氣夠，食住雞煲都唔覺熱。
四個人黎食，點左一個大嘅芝士雞煲，制作雖時，都等左好一陣先上枱。
滾啦滾啦食得啦，打開個陣好勁芝士香味，啲芝士好傑身好濃味，正呀。
當晚都叫左幾多野，先黎有菜，粟米，金菇，響鈴卷。
魚歡喜，哈哈，個名好得意，其實係墨魚滑，魷魚，帆立貝，鱔片。
手切新鮮牛脊肉，豬頸肉，竹笙墨魚滑，公仔麵。
食完雞件就加湯打邊爐，湯入面就有芝士，唔使驚越黎越淡。
芝士雞件，用左雞脾肉，嫩滑，芝士味濃，好食呀。
帆立貝，卓得太耐有啲韌，但幾鮮甜。
牛脊肉，有牛味有咬口，好食。
鱔片，厚切無骨，啲肉唔散，又係好正。
魷魚，一般，無特別。
豬頸肉，又係厚切，有點過肥好膩，唔識合打邊爐。
竹笙墨魚滑，呢樣比較失望，兩樣野唔夾，而且墨魚滑好多肥肉係入面，食到一口油，就咁食竹笙就無乜野。
菜同粟米吸左湯汁更鮮甜，響鈴卷更正，吸左大量芝味呀。
另叫野飲要左檸樂，啱哂打邊爐。
友人則叫左凍奶茶，佢話ok，哈哈，真係少見打邊爐舖有奶茶咖啡飲，型呀。
四個人食飽飽，好滿足，捧住個肚行出去囉。
堂食等位時間: 5 分鐘 (堂食)
用餐日期: 2015-02-08
是次消費: 每人約HK$120 (晚餐)
評分: 味道 4 環境 3 服務 4 衛生 3 抵食 3
