今日放下晝，約左家姐同朋友出黎吹下水，女人堆，都係鍾意食甜品，揀左黎糖太子，貪佢近地鐵站，旺中帶靜。
下午時段，人唔多，黎到就擺左兩張四人枱，有兩位大肚婆梗係要坐得濶落啲。
有幾位友人未食午餐，佢地揀左午餐鋸扒，長通粉，焗飯等，我就已經食左野，揀左個下午茶餐。午餐包餐湯同一杯餐飲，下午茶就只包餐飲。價錢都幾抵食，午餐好大份架。
芝士肉醬焗薯條($32)，賣相唔錯，用上厚身薯條，肉醬不過酸不過甜，帶少少香草味，味道確實唔錯，可惜肉醬有點少，不夠滿足所有薯條，且茄醬欠奉，餘下嘅薯條有點寡。
連餐嘅花茶，不知為何點了好幾次都沒有送上，侍應有點游魂的樣子…是日是茉莉花茶，除了甜還是甜，花香是有的，但實在太甜，這個可跳不喝。
食完鹹野就到甜品時間了，一黎到已經比餐牌上嘅乳酪吸引住，叫左呢杯藍鳥($42)，賣相幾靚架，但影左一陣相就滆了。
上面一大團乳酪，下要有粟米片，朱古力脆塊，再淋上藍莓醬，同藍莓粒，甜甜酸酸相當吸引，實左忍不住一啖接一啖咁火速ko左佢。
同行友人叫了招月(左)，同白色戀人(後)，聽說同樣好正，下次黎試下第二款味先。
呢度啲西餐同甜品都好正，幾時先試得哂咁多樣呢？！
堂食等位時間: 0 分鐘 (堂食)
用餐日期: 2015-02-06
是次消費: 每人約HK65 (午餐)
評分: 味道 4 環境 4 服務 3 衛生 3 抵食 4
