見廣告賣將軍漢堡又返左黎，仲要係廿二蚊餐，咁抵，梗係要黎食！
新年，麥當勞特別多人，連平時唔多人嘅海聯分店都排成半個鐘先買到，得兩個counter，人排由中間排到出門邊，超誇張！
將軍漢堡餐 ($22)，呢個價錢真係抵食，麵包舖買個包都要十蚊個啦。
醬勁多，漏哂出黎，甜甜地嘅燒汁真係幾好味，豬柳有點過淋，生菜新鮮，整體好食。
另外同事叫左煙燻香辣雞翼餐轉扭扭薯條 ($34.5)
雞翼脆辣好食，但同普通嘅香辣雞翼無乜分別，但要貴兩蚊，我覺得可以叫番平時個隻辣雞翼餐就算。
堂食等位時間: 30 分鐘 (堂食)
用餐日期: 2015-02-23
是次消費: 每人約HK22 (午餐)
評分: 味道 4 環境 3 服務 3 衛生 3 抵食 4
