朋友話要比個suprise，揀左黎呢間Tony's hell到食，一睇個店名，即刻聯想起地獄廚神。問下朋友今晚食乜，佢話係fusion菜，實際有咩，都要現場先知。咁神秘，好期待呀∼！
頭盤，食呢個protabello大菇菇，成隻手掌咁大！
呢隻菇菇味香濃，最啱用黎烤焗，是晚用上洋蔥煙肉黎焗大菇，一出場已經香味四起，另人口水流呀！煙肉啲油脂預熱後流哂落隻菇到，洋蔥鮮甜去掉點煙肉嘅油膩，隻菇吸哂兩樣嘅精華，一啖咬落去肉汁菇汁都好彭湃，正呀。
第二度蜜汁香草燒雞翼，外脆內嫩，雞皮甜蜜蜜又十分香口，少少嘅香茜碎帶出陣陣幽香，美中不足有點過份焦黑，吃罷帶有強烈罪惡感。
主菜係燒羊架配上雜苺醬，旁邊的炒飯撘成三層圓形有新意，炒飯貌似混了香菜同日本米，不過切得很碎實在食唔出係咩菜了。羊架火候剛好，剛熟得黎有肉汁，食得出羊肉嘅鮮嫩，另用了不是一般的薄荷而是雜苺醬，粉紅色的很可愛，甜甜酸酸意外地同羊架很夾。
食物很不錯，唯店有點少，要記得book枱呢。
堂食等位時間: 0 分鐘 (堂食)
用餐日期: 2015-02-10
是次消費: 每人約HK$300 (晚餐)
評分: 味道 4 環境 4 服務 4 衛生 4 抵食 3
