放左工黎元朗揾野食，八點半去到茶木已經唔派飛，唔唯有轉戰食街，左睇右睇都係揀返韓松園，一黎大家都鐘意食韓國野，二黎佢從新裝修過間舖大左，今晚又唔使點等位。
坐低睇下menu，好似無加價喎，不過距離上次食都好幾個月前，都唔係好記得。大家都鐘意食泡菜，於是揀左三樣泡菜野，加個飯，實夠飽啦。
紫菜卷，賣相唔錯。鹹鹹地幾易入口，飯帶有紫菜香，新鮮做起，一口一塊火速ko左成碟。
泡菜煎餅，大大塊又厚身，泡菜都落得幾多，辣辣地，邊位煎得香脆，又係好搶手。
泡菜餃子，呢個個泡菜味唔多，而且似炸多過煎，好硬同比較乾，一般。
泡菜炒年糕，細細砵，九成係年糕加少量泡菜，再加大量辣汁。食到底啲年糕比辣汁浸住真係幾辣下，年糕沒有太淋或太爛，有咬口，整體還可以。
炒粉絲，有椰菜，紅蘿蔔等，粉絲少少鹹，幾淋，看似無油同無乜點炒，食落幾好味同感覺健康啲！？
等左都一陣先到嘅豬肉石窩飯，好熱呀，咋咋聲，即刻落醬撈撈撈先。一大堆菜係面，跟住有薄切嘅豬肉片，淹過呢大荳芽，紅蘿蔔，木耳絲，青瓜絲，生蛋等，本來賣相幾靚但搞完一輪變到一堆咁。鹹鹹辣辣幾惹味喎，飯焦好多不過刮唔出，好想食啲飯焦呀~~！
埋單，四個人食飽飽都幾二百幾蚊，抵食呀。
堂食等位時間: 0 分鐘 (堂食)
用餐日期: 2015-01-29
是次消費: 每人約HK$54 (晚餐)
評分: 味道 4 環境 3 服務 3 衛生 3 抵食 4
