午餐時間真係十分多人，人龍長到轉圈又轉圈，同事話想要麥記個利是封，咁大家齊齊食招財富堡餐啦。
排左好耐先買到，包裝係用了hello kitty樣嘅盒，唔怪得同事話食完留番個盒比佢，呢隻貓真係殺傷力驚人。
要左牛堡，黑椒醬勁多，雖然未漏出黎，但一咬落去成口係，味道都算幾鹹同幾辣。牛肉扒比一般漢堡包厚身，幾有咬口唔錯。加埋少少洋蔥碎，另個包多一點清新無咁dry，整體黎講幾好食。
另外薯條變成扭扭薯條，份量多，堆爆盒，炸得有點燶，但好食過平時啲薯條，更有薯味。
就係為左呢包利是封！一包有四個款，又真係幾靚，搞到唔捨得比人添……哈哈。
堂食等位時間: 15 分鐘 (堂食)
用餐日期: 2015-01-29
是次消費: 每人約HK35 (午餐)
評分: 味道 4 環境 3 服務 3 衛生 3 抵食 3
