晏晝黎到九龍灣行街，先揾個地方醫肚，三位友人一致決定食譚仔。雖然喺開飯search到有，但真係唔知近邊邊，都揾左一陣先發現原來喺德福對面。工厦中，地方十分寛濶，而且人唔多，唔使撘枱得黎仲可以自由揀位坐，真係未起譚仔試過。
豬耳同皮蛋都係我地至愛，梗係要叫，難得有人一齊share食，一個人食一碟都幾漏架。
紅油豬耳($23)
爽脆有口感，辣油份量夠，香辣十足。賣相依舊係一圈一圈的，排到開花咁。
尖椒皮蛋($17)
皮蛋心綿，蛋白部分啫喱狀滑滑的，辣油同樣香口，喜歡皮蛋的朋友必食。
炸醬米線($27)
上面兩樣已夠辣，米線就要清湯算了。炸醬回復水準，甜辣適中，肉抹半肥瘦，不會水流流。米線有韌度得黎不過硬，配料份量亦算合理，呢間分店幾好喎。
堂食等位時間: 0 分鐘 (堂食)
用餐日期: 2015-02-07
是次消費: 每人約HK36 (午餐)
評分: 味道 4 環境 3 服務 3 衛生 4 抵食 4
