一班人gathering，揀左觀塘區工厦裏一間叫ikitchen嘅西餐廳。喺工厦入面，𨋢口大堂也頗殘舊，如果對呢區唔熟，其實都幾難揾。
樓底不高，內裏裝修唔錯，係有啲嘈同油煙味幾勁。
枱上餐具好乾淨。
睇左餐牌，決定要幾樣前菜同主菜share食，咁樣比set dinner多款揀。
自家煙燻三文魚伴血橙羊奶芝士火箭菜
好長嘅名，一睇名就知呢樣係咩，三文魚味唔錯，少少鹹，個血橙汁則甜甜酸酸咁，好香橙味。至於羊奶芝士同火箭菜只有少量，主要用來裝飾，不太食得出味。
吉列生蠔配田園沙律伴芥末油醋汁
蠔新鮮炸起熱辣辣好香脆，沙律清新，可惜是油了點而不夠酸。
是日廚師餐湯：紅菜頭湯
將紅菜頭打成容再煮成湯，超濃嘅紅菜頭味，不是水流流的湯，但又不是忌廉湯般厚身，口感特別。
厚切美國安格斯肉眼
食完頭盤等左一陣就黎主菜了，牛扒幾時都係首選。厚切果真好厚，外表煎得好靚，入面仲係半熟有肉汁，扒邊的脂肪位十分甘香，牛味十足好食。
酥皮釀焗鵝肝醬羊扒
另一樣要了羊，用了酥皮包住焗，酥皮牛油味好強，鬆軟好味，羊架肥美肉嫩，沒什麼羊羶味，容易入口。
伯爵紅茶
餐飲要了伯爵茶，用了川寧茶包，一壺約有兩杯份，食完咁多肉清清喉嚨唔錯。
自家制黑松露雪糕
期待嘅甜品時間又到啦，黑松露雪糕，遠遠已聞到黑松露味，十分香，不過好似同雪糕唔多夾咁…
心太軟
另一樣要左心太軟，朱古力味濃，流心ok，唔錯。
店長介紹食物時十分熱情，佢話每碟嘅裝飾都係純天然嘅，好似主菜上面嘅伴碟咁，用上綠色嘅青豆容同黃色嘅南瓜容，無人做色素食得安心呀。
堂食等位時間: 0 分鐘 (堂食)
用餐日期: 2015-02-12
是次消費: 每人約HK$300 (晚餐)
評分: 味道 3 環境 3 服務 4 衛生 4 抵食 3
