近期紅得發紫嘅半熟蛋糕，見咁巴閉，等我又試下先。
黎到，門口已有少人龍，仲寫住每人限買兩個，嘩嘩，好矜貴呀。
蛋糕盒用上貓造型，又幾得意喎。內付刀一把，叉六只同碟六個，方便拎到邊食到邊。
第一款試朱古力味，外表唔吸引… 聞到好大陣嘅朱古力味，切開睇睇，有一層朱古力醬咁樣嘅夾心，整個蛋糕頗甜，朱古力味不算濃味，感覺有啲似莎x蛋糕。
第二款試左特別版嘅忌廉哥抹茶口味，忌廉哥個白朱古力牌好得意呀！拎開塊牌，個蛋糕嘅真面目係咁嘅，好凹喎，係咪因為擺得耐左？
切開好流心，啲抹茶醬湧出黎，抹茶味不濃，倒食到一陣陣嘅蜂蜜味，同樣幾甜下。
味道唔差嘅，可能期望太大，我覺得似係食緊流心嘅鬆糕咁，且價錢有點少貴。
等候時間: 30 分鐘 (外賣自取)
用餐日期: 2015-02-15
是次消費: 每人約HK$90 (下午茶)
評分: 味道 4 環境 3 服務 3 衛生 3 抵食 3
