|
出左黎旺角行街街，順便揾食，揀左食all day breakfast同waffle出名�Hocio，原來都唔易揾地點，遠望間餐廳名仲有啲難睇清添。
七點黎到未多人，即刻有枱，好肚餓快快落單先，叫左兩個咸食同兩個甜品，再後加左兩杯飲品。
胡椒樽，好得意
每人最低消費要四十五蚊，我見隔離枱只為甜品而黎，本來諗住share食�H佢地計過唔夠數而加左單。
吹下水，好快第一個咸食就黎左。
巴馬火腿全日早餐： 火腿，菠菜，水煮蛋，田園沙律，薯條，荷蘭汁 ($89)
好飽滿
流呀流呀∼
賣相認真唔錯，蛋味甚濃，加埋咸咸地�H巴馬火腿即時味覺大增。但沙律醋略為多了點，有點過酸，食番條薯條中和下。
第二個咸食，等左一個鐘先黎……
龍蝦醬煙三文魚薄餅：煙三文魚，龍蝦醬，三色椒絲，洋蔥絲，菠蘿粒，粟米粒，車打芝士 ($79)
芝士好彭湃，係咁流落黎，芝味甚濃。龍蝦醬好香，同菠蘿粟米好夾，味道唔錯。個pizza好熱，但奇怪在三文魚仲係凍�H，而且餅底好痴，好難刮起個派，呢道要扣分！
香蕉奶昔 ($43)
荔枝疏打 ($39)
叫左兩杯野飲，一黎到就聞到香蕉味同奶味，好傑身好滑又唔過甜，真才實料好飲。另外友人叫左荔枝，無試，佢話係真係疏打水，唔係某啲舖頭咁用汽水喎。
雙色拿破崙雪糕餅 ($63)
賣相幾靚，不過雪糕無得揀味，今日係雲呢拿同朱古力，朱古力味都幾濃，好味，但雲呢拿個球超甜，可能係我本身都唔like雲呢拿雪糕啦。拿破崙餅做得鬆脆，濃濃�H牛油香味，正。
玫瑰花窩夫脆脆白酒汁 ($59)
賣相一般，但上枱即傳黎玫瑰花香味，嗅覺取勝！份量比預期中大份，白酒汁帶少少酒香同玫瑰香，不甜。無估到原來脆脆解炸過啲窩夫，炸完後有點油膩同熱氣，加上玫瑰花同窩夫一齊炸，兩者合而為一，想分開都幾難。就算炸左，啲玫瑰花都仲係好苦，花卉還可以，但整顆嗰啲真心難接受其味，呢個甜品不是我杯茶。
整體感覺唔錯，野好食，環境又好，侍應不時添水，係上個pizza時間耐啲啫，搞到食左成三個鐘。店較少，出面已有人等位，霸住人地張枱咁耐始終會唔好意思嘛。
堂食等位時間: 0 分鐘 (堂食)
用餐日期: 2015-02-28
是次消費: 每人約HK$200 (晚餐)
評分: 味道 3 環境 4 服務 3 衛生 4 抵食 3
|
