今朝好早醒呀, 仲早過平時返工~
7點3醒, 7點9ki打黎問我起身未...醒左啦, 不過未起身之嘛...hehee~
8點1出門口lu...同ki, ki媽 & ki爸搭火車轉地鐵去樂富join ki哥哥, 未夠9點去到目的地...呀....好早呀!! 搞到9點3, 終於搞掂, 之後ki哥哥返屋企訓覺, 我地就去左飲茶...間茶樓no good囉~ 飲完茶ki媽&ki爸返屋企, 我同ki去左石圍角再訓...訓得唔係幾好...11點訓到1點半起身之後落mc記食野, 食完搭的士返公司~

今日同ki都係戴鴨鴨帽, 一入公司, reception姐姐matky已經問我地點解戴情侶帽, 仲要一齊返工...hahaaa~ 我同ki都冇答佢~ 5點幾經過reception去toilet, matky又問我地係咪緋聞男女, 我同佢講公司好多人都知啦, 上次同ki lunch完返公司, irene o係lift度話我同ki著情侶鞋, 當時lift入面仲有好多account dept既同事... 同matky傾緊偈時sharon行過, markty問sharon知唔知, 搞笑....sharon話本來唔知, 但係琴日放工佢o係吉吉島見到我同ki, 所以知左lu~ 不過琴日o係吉吉島我見唔到sharon喎~ 我同matky & sharon講....我唔會唔認架喎...問到咪講囉, 有咩所謂, 我同ki都唔介意俾公司同事知既~ 仲俾matky見到我戴住個"k"吊咀tim...hehehee~

放工ki唔知幾點走得...我就左搞右搞, 搞到8點3同ki講我去mc記等佢...不過佢話佢o個邊得返vivian, 叫我坐過去等佢, 咁我就行過去坐o係tracy個位打住機等佢喇~ 等到8點9先走, 返ma on shan食飯, 食完飯打牌...打到4點走lu~ 每次o係ki屋企走, ki媽同ki爸都會話:咁夜仲走? 就算12點佢地都會咁講~ 今晚都唔例外...我話搭的士走, 佢地話就算搭的士走都危險...冇辦法, 我媽太要面...唔鍾意我o係男朋友屋企過夜~ 算啦...唉.... 一落的士, ki打黎問我返到未喇 上的士時ki話...其實佢都唔主張我咁夜走...唉....你估我想架咩...你知我媽架啦

依家我同ki唔只"痴"住左, 仲係"撻"住左....同ki媽打牌好開心架...今晚我扎起左d頭髮, 前面仲夾起左, ki話我似菲傭! 因為上次我同ki講, 去佢度搭lift時有個賓賓對住我笑! o係phuket時又晒黑左好多, 著住短褲, ki話我勁似菲傭...俾佢激死! hahaaa....笑死ki媽~

琴日pine link frankie打黎, 佢問我係咪同daniel食緊飯, 我同佢講我同daniel已經散左, 仲同佢講我同ki食緊飯....佢問我幾時結婚喎....hahaaa~ 痴左線!!

記得由中學開始我都堅持要留長頭髮...5年入面曾經剪短過兩次...次次同自己講, 剪完頭髮就係新開始, 要放低...當剪頭髮時....d眼淚會自動流出黎.... 近排起整返直d頭髮, ki叫我剪短...佢個死野知我唔鍾意短, 所以先叫我剪...ummm....佢好似好想我短頭髮咁...猶豫中... 但係我真係鍾意長頭髮.....可能係陰影關係吧...覺得只有唔開心時先會剪短頭髮...希望終一日....我會笑住去剪...