今日訓到好晏呀...差唔多11點先醒~ 12點ki打黎, o岩o岩沖完涼洗完頭, 差唔多一點先去到ma on shan, 去到...梗係ki整野俾我食啦...hehee~ 食完野睇左一陣電視, 我...又訓覺, ki打機, 唔知幾多點, 佢又訓喎~ 訓到差唔多6點, 俾個電話嘈醒左, 又hea到6點半先出去~ 約左生8點紅館等, 同ki去食野, 之後就同生睇sammi~

sammi超正...有3part跳舞, 真係好勁, 氣氛勁好, 嘉賓係王苑之..oh~ no good la!!! 11點多d完show, 成個紅館d人都賴死唔走, 等左15min, 到最後sammi都係冇出黎...有d失望~ 睇完去旺角join返ki, 食完糖水搭巴士返屋企, 1點返到屋企, 好彩仲有馬鐵返ma on shan, ki就唔洗等通宵巴士喇

今日同ronnie msn, 由舊年去布吉識到依家, 原來我同佢都只係識左6-7個月, 不過感覺好似同佢識左好耐咁...hehee~ 你諗下有咩拎俾師太啦, 我幫你拎過去~

三小姐...終於見到你update日記喇~ 幾時得閒, 搵埋bobo出黎dinner丫~ 我都有追溏心風暴, 睇到常在心...好似睇緊自己咁... 你同志文識左成年, 感覺好怪? 係咪有時覺得好陌生呀? 試下講多d自己感受佢知丫...我同ki識既日子比你少好多好多, 不過我地成日傾偈, 我成日話佢知我諗緊咩, 有時佢講d野唔o岩聽, 我都會唔出聲, 有少少發脾氣同唔睬佢, 但我同佢又唔會鬧交~ 我唔出聲完, 次次都會講返佢知點解我會有d咁既反應, 有時佢聽完會理解但不接受, 不過, 我就係我, 起碼佢知我諗咩先啦~