今日打邊邊...旺角稻香~ 有我, 南, ven, tat, el, elaine, 聰~
7點半已經去到旺角, 但...其實係約9點囉~

好彩el同ven都早左出黎o者~ o係新之城匯合左el同ven, 跟住去信和匯埋亞聰~ 行左一陣, 8點半過去稻香攞位~ 超多人呀!! 等到10點先有位! 好搞笑, tat食o個舊大豬骨, 好似生日蛋糕咁...影左佢相, 遲d post返出黎~ 成晚都好搞笑....笑唔停...hahah~

朋友真係好緊要, 當你開心, 唔開心, 佢地都會陪你... 同小南子01年2月識到依家, 我同佢都冇秘密~ 係中間發生左d誤會而我嬲左佢都有一年~ 不過...真朋友先經得起考驗... 我同佢到依家都仲係好好既朋友...

南...你講既野我會好好記住, 我會揹住過去繼續行... 每次你講既野我都真係有心記住... 睇完個sms, 個心真係舒服好多, 仲會笑出黎, 再諗下自己應該點做... 放心啦...我清醒架喇~ 識你咁耐, 你都唔會o係我面前講粗口, 唯獨是提起佢...

我係好嬲你...但唔會再問點解你要咁對我...係你教我...嬲一個人係好辛苦, 要有好大力氣... 我唔會再俾自己辛苦... 其實都冇話邊個o岩邊個錯, 你行得呢條路, 就一定有你既原因, 你一定認為自己做o岩先會咁做... 為自己係冇錯既~

仲有peggy, denise, carmen同豆...你地都係我好朋友... 我知你地好關心我...唔想我再行錯... 你地幾部轟炸機...真係好鬼勁!!