之前講過我的liz同事, 我的朋友, 今次講"我的mexx同事"...

Stanley (manager): 佢係我dept既manager, 為人縮骨, 最好咩都唔洗做, 揸住雞毛當令箭!! 吸收同表達能力都有問題, 經過佢講出黎d野同原來既可能只得返3成! 做左半年多d, 仲當自己係新人, 扮無知, 成日話唔知我地做野既程序! 成日話多email, 連只係高層收到既email要forward俾我地, 佢都唔係好願! 最鍾意問我地野, 之後得到既知識當人情咁話俾第二個dept知, 話俾人知佢有幾叻! 有時會講d唔經大腦, 出人意表既suggestion, 真係笑鬼死! 佢入到黎只係請過一次食飯, 每次叫佢請食飯就扮聽唔到, 一係話我地屈佢! 我地成日估, 佢係咪每人幾幾10蚊零用, 用晒就冇, 所以咁慳~

canada special + usa special + EU motherline non-square men + Express men & women:
Molly (senior merch): 佢係我亞姐, 係個基督徒, 超好人, EQ勁高, 從來冇聽過佢好惡咁鬧人, 就算好嬲都係笑住咁鬧! 聽佢講佢以前都做過polo, 又做過gap~ 佢好好玩, 好講得笑, 基本上我同佢每日都串黎串去, 有咩都講既~ 仲有佢好鍾意串珠仔, 耳環呀, 頸鏈之類!

Carmen (assistant merch): 佢係我assistant, 小妹妹一名, 做野好俾心機, d野好快上手, 好清楚~ 不過英文底子唔好, 答email有d吃力! 早幾個月佢唔睬我, 我都唔知點解, 可能因為我初初黎到, 亞姐分工時要佢對客多d, 我諗佢唔鍾意咁安排但又唔出聲又以為係我叫亞姐咁做~ 到9月頭, 同佢玩得癲左熟左, 就好d喇, 依家直情冇事tim, 同佢玩得好鬼癲! 佢好鍾意扮野, 上次著件珠片背心扮蔡楓華跳"絕對空虛", 又同yani, winnie扮草蜢跳"忘情森巴舞", 笑到訓地! 唔入藝訓o徒左!!!

EU motherline square men + EU motherline women + EU special:
Denise (senior merch): 佢係一個好媽媽, 有一個o岩o岩返學既囡, 成日講佢個女d野~ 佢係我地成team人做得最耐o個個, 8年! 做野好認真, 有原則, 好"手牚"自己d o靚! 都係好講得笑, 成日都hehe哈哈~

Michael (merch): 新黎左一個月多d, 外型似一個有肚攬既亞叔, 每次講佢女朋友都面紅! 平時唔多出聲, 但出聲就笑死o個隻! 開頭對佢有d避忌, 以為佢係manager d人, 唔同佢講野! 佢張台好得亂, 唔會執既...成台post it!

Peggy (junior merch): 佢本來做布既, 做左一個月多d俾denise撬左做production跟單! 做野都係好有原則不過都叫有商量, 好肯幫人! 平時講野同做事都好豪, 一就一, 二就二! 佢每日都會幫我拎隻蛋做早餐, 咁我就拎頭條日報俾佢! 之前佢同男朋友有事, o係公司喊, 不過依家冇事lu~ 上次聽到佢同男朋友講電話, 從未聽講佢把聲咁溫柔, hahaha~

Heidi Yeung (junior merch): 本來佢係woven dept, 過左黎我地呢邊4個幾月, 佢做野好小心, 好清楚, 不過有時過份清楚令到自己workload好大! 佢個人好"立羅", 每次都要人等, 我係有d唔鍾意, 所以有時都會話佢! 佢住第一城, 有時都會同佢一齊搭車走! 有d頂唔順佢扮低b, 扮嗲既定聲...ahahha~~

Kathy (production assistant): 佢同carmen好friend, 都係一個小妹妹, 對system勁清楚~ 有次o係戴生個電話睇到d相, 居然有佢既出現, 原來佢係戴生舊同事既朋友....好邪!!

Sampling:
Kevin (Sampling supervisor): 世界仔一個, 超卸膊, 最好咩都唔係佢做, 做辦唔清唔楚, 搞到我地做貨既跟得好辛苦! 冇野時好地地, 有野o個陣就咩都唔關佢事, 會俾說話人地聽, 好串!

Yani (Sampling co-ordinator): 基督徒, 好溫柔, 唔會大聲講野, 跟野好足, 清楚, 同carmen, kathy熟既~ 好鍾意扮人地講野, 好好笑~

君 (Sampling co-ordinator): 公認做野唔掂, 問佢咩都話唔知, 小姐, d野係你跟架, 唔知?? 俾人調黎調去~ 之前未入黎mexx, 有人叫我小心佢, 原來係小心佢做野會俾鑊我~

Winnie (Sampling assistant): 聽聞佢原本做temp, 但之後轉做全職, 好少聽到佢把聲, 同yani, kathy同carmen玩既! 成日俾stanley當妹仔~

Product development:
Ruby (senior sampling co-ordinator): stanely既心腹! 不過已辭職唔做, stanley好保佢, 為左佢而話我態度唔好! 頂!! 佢離群既, 有咩一齊食飯都唔會去! 做野完全唔掂, 唔好話做senior, 連做smpling co-ordinator都未夠資格! 做野叫一樣先做一樣, 要我bring住佢行, 超唔掂!!

Tracy (Sampling co-ordinator): 一個基督徒, 好夜先走, 不過d野好亂, pass過黎d野超唔清楚, 搞到我地跟得好辛苦~ 一個冇咩耐性既女仔, 容易發怒, 特別係對住kevin, 成日開火~

其實返mexx都係開心既, d廠都幾好玩, d同事都好, 好有team spirit! 日日都有搞笑事發生~