究竟咩叫小事? 咩為之大事呢?? 我諗冇人可以解釋到~

返工搭的士本來只係一件好小既事, 問到, 咪講囉! 點解問完又要講大話? 到人地知道真相之後仲話冇, 又發爛渣話人地好問3問4! 人地都只係問下o者? 都要講大話! 仲話覺得係小事唔講...問題係...唔講真係冇問題, 但問到點解又要講大話?? 即係話, 如果你覺得係小事可以唔講, 問到亦都可以講大話唔認, 咁...真係唔知你幾時講真幾時講假! 你可以話同女仔出街呀, 睇戲呀, 食飯呀, 甚至多一個女朋友都覺得係小事唔講既, 咁人地係咪都要接受? 好...唔講都好地地...仲要人地知道真相你仲要講大話唔認, 咁同以前既你有咩分別?? 你之前話只係幫人訂飛, 覺得係小事所以唔講, 到我問, 你都係話冇去過apm, 冇同人睇過戲, 我諗....你都真係講大話! 唔係我唔信, 係你自己做d野出黎叫我唔好信! 又好似食煙, 人地都覺得好小事咋喎, 人地屋企人都已經接受左呢個係事實啦, 好啦, 人地可唔可以又當係小事一件, 俾你聞到煙味都仲講大話話冇食, 死都唔認, 咁樣...你又覺得有冇問題呢??