上星期五cfm左過mexx喇...真係正如mexx hr講..."盡量減低損失~"  唉...返工遠左, 又冇得放summer hour, 好慘, "sit"左好多benefits!! 最唔捨得係d同事...日日見, 日日一齊食飯, 一齊低能白痴...  依家等亞撻幾時放我走啦...應該最遲6月頭~

星期六冇去整頭呀...因為bobo之o前個晚ot到12點, 要休息, carrie又要ot, 所以下星期先去~ 之後再下星期就去塔羅牌, 喂喂...我book左1430-1530!

星期六晚去左深井一個friend到, 食完飯佢地4個打機, 我就睇電視, 煲八卦雜誌~ 到12點幾就到我同佢地打喇...玩04雅典奧運...嘩...勁呀!! 玩到3點半...勁累...勁眼訓!! 今朝訓到1230先起身, 仲要係俾電話嘈醒, 如果唔係一定訓到兩點! 之後去食豬膶麵...好耐冇食...正! 食完之後...喉嚨痛...一定係琴晚俾小林傳染左!! 佢超級傷風, 成晚攬住包紙巾, 把聲又沙!! 食完3點幾...heheheee...又訓過!! 訓之前啪左粒藥...不過依家都痛~

夜晚返荃灣食飯, 冇咩特別...都係普通食飯~ 今年母親節, 亞哥買左一張$2000唔洗既按摩椅...張野好兒戲...咪就係上星期二(may 3)便利講o個張囉~ 媽咪話"cash好過~" 哈哈...我聽到...咁我就話喇: "拿...你話架!!" 就係咁...今年母親節禮物就係一隻"金牛"!! 下個月父親節, 媽咪生日, 呢度又冇兩隻"金牛"!! 好彩公司pay返10日假幫補下, 咁都冇咁傷~