今日都仲收到利是,$240, 而家total $4000喇! 間廠俾$200, 好多喇, 我claim過佢飛機, 又discount過佢!如果唔係claim過...會唔會有$500呢??

brian chan聽日last day, 仲話有個叫ameoba chan既take over佢d野! eeeee... ameoba chan?? 之前佢咪o係liz做左兩個月既... 咁我就同brian講啦! 因為佢睇唔到中文, 所以一定要打英文, 我話: "she worked in liz about 2 months!" 但brian居然話: "SHE??? ameoba chan...she is a man!!!" 唔係嘛...唔通真係搞錯?? 咁我就話喇: "she is fat... and she look like a man!" 過左一陣brian就話: "yes... we are talking about the same person!" 此話一出...真係笑鬼死!

o鞋....又話今年要還$$,同我講冇得出街,但自己就走左去同朋友睇戲。同我出街都冇呀, 何況睇戲丫...成日話累,冇時間, 又話要做呢樣, 一時又話打波! 講真...真係心淡架!

有人話兩個人一齊,大家既目標,價值觀要一致, 如果唔係就好難相處~ 係真架...如果唔係就會有好多磨擦, 就好似我咁! 冇咩事既就可以好開心, 但...一有意見分歧...唉~

bobo, 你話奉行朝早食最多, 晏晝中間, 夜晚最少, 咁樣會瘦d, 但講真...你唔係好瘦咋喎~ 你估如果調番轉食會係點丫拿?? hhahahaaa~ 

聽緊收音機, 個女仔26歲結婚, 老公大佢9年, 結左婚10年, 現在分居! 分居係因為老公有第三者! 個女仔話老公有第三者可能因為佢出去搞生意, 冇時間理老公~ 佢想同返老公一齊, 係因為佢覺得成件事係由佢而起, 佢自己冇盡力過! 佢話自己係一個好自我既人, 冇理過老公感受, 而佢老公一直都冇同第三者一齊! 佢話仲愛佢老公, 但都有為第三者同老公嘈! 主持人問: "如果佢同返你一齊, 你可以當冇事嗎? 鍾意係唔係一定要一齊呢? 你可唔可以放底自我? 當再有意見分歧時, 你會唔會再一意孤行呢? 你會點處理呢? 你要學習同別人相處! 如果唔係, 就算俾你同其他人一齊, 問題都仍然存在!"

正在想想自己的處境~