朝早好忙喎...DD 9:45AM出門口去大埔老細屋企拜年,咁我就訓到10:30AM起身去婆婆度,因為三叔會去婆婆屋企拜年之後會一齊去青衣四叔屋企。

11:30AM我已經到左婆婆屋企,但D人仲未到喎。等左半個鐘三叔一家,大佬+女朋友終於到口喇~坐左一個鐘就出發去青衣。大佬揸車,幾個字就到~上到去食糕啦,吹下水,都冇咩做,兩點DD就自己上到黎喇~

好勁呀...四返即場蒸糯米飯。好快咋...加D臘腸,蒸幾個字就得架喇。食o個陣加d豉油,好好味呀!!

3點半,DD揸返架車去SSP俾佢哥哥,之後去食野。本來佢話去愉翠苑佢同事度拜年,不過後尾佢話好眼訓,又話班人開賭檔唔o岩佢,所以就過左新屋訓。上到去睇左一陣電視...我都訓lu~當時係4點幾...

訓到差不多8點...訓唔著喇...起身睇電視...叫佢起身,又話好累...8點半...再叫...又唔起...9點...再再叫...都係唔起!!!算...唔叫!!!

到左10:20pm,佢叫我...終於起身...不過我塊面已經黑黑地!!佢起身就即刻同隻臭狗沖涼,我繼續發呆睇"大長今"。低能仔同隻狗玩水...我鬧鬼佢,佢先同隻臭狗沖涼!玩左成9個字,沖完啦..佢叫我搵風筒,我冇理佢...鬼知放o係邊咩,要搵自己搵,冇咁好氣!!當時我塊面更加黑!!

11:30pm終於走去食野...佢問我做咩塊面咁黑...我話因為悶親!!佢叫我好唔叫佢起身!!低鬼能...係我叫極都唔起咋喎!!

佢話聽日放工去粉嶺舊同事度食飯,我問我係咪都去,咁佢話係,ok...一齊去!點知後尾又話諗緊帶唔帶我去,佢話個個都單身喎~我話冇問題o者...人地唔帶人地既事...冇關架喎~ (其實佢愈咁講我愈要去...) 佢話俾佢考慮下...我就即刻好唔好語氣話..."唔洗考慮...依家係我話唔去!!" 佢好煩呀,男人之家婆婆媽媽!!!!!!!!!!

夜晚Jam打過俾我...吹左一陣,佢話佢辭左職,last day 係2/19,搵緊工。希望佢快d搵到啦。係呀...前日經過荃灣,當時我o係架車入面,見到范B 呀!!(Jam Jam都識架)!!!係一個我搵左好耐既人。佢都係何傳燿既,以前住我樓下,我F1時佢F4,我F2時佢都係F4,我F3時佢仍然係F4...到我F4時佢終於F5喇~~哈哈!!

其實過年真係好悶...所以都冇特別再攞假...寧願早d返工~~

唉........好悶呀!!