好慘呀...今日sm放假, am病左, 得返我一個, 電話不停咁響, 又多突發事...癲左~ 一朝早有supplier唔識趣, 搞到我好煩, 打電話又唔通, 唔得囉, 我一定要搵到佢鬧佢囉~

下晝臨放工又係喎, 間廠過幾日走貨, 依家先話唔夠carton sticker, 頂丫...唔好出年先講?! 又要我改system, 唔識架嘛, 呢d am幫我搞架嘛, 鬼識咩!! 搵人幫手改完system, 又要話俾mis知~ 好啦...搞掂啦, 間死廠又話俾錯資料, 又要叫mis再做...頂!! 做唔係問題, 唔好要人做兩次丫嘛!! 咪又發脾氣鬧囉!

今日真係發左癲~ 成張台超亂...

7點幾, 間廠有個新人打電話黎問野...好搞笑架...佢話上晝佢唔o係度, 因為份工contract未完, 放左工先會返黎做野~ 講講下...原來佢係老細個細佬~ 仲要o係黃竹坑醫院做社工! 嘩...掂呀!! 佢仲問我要唔要佢手提電話, 我係咪都可以俾手提電話佢~ hhahaaa...原來佢以為做呢行係咁, d野好急, 仲叫我有咩問佢都可以打佢手提喎! 傻啦...佢都未話得事...咩都唔識, 搵都搵佢家姐同亞哥啦~ 打得手提就有鑊野啦, 唔通追件辨, 一個色辦都打手提咩~ 佢仲話搵佢可以打去黃竹坑醫院搵周社工喎~ 真係傻得可愛~ 我諗唔會過好耐, 佢會自己俾電話我囉~ hahahaaa...