今日終於感覺到好忙....好多野做...由過年之後, 日日6點幾7點就走, 冇人迫過我做野, 直到呢幾日, 經理日日問d咩咩做左未, d咩咩又send左未..呀...help~~ 今日本來7點半走...習慣走之前會問經理仲有冇野搵我, 通常佢都話冇...點知今日我話走, 佢叫我唔好走住, 佢去完toilet返黎...要我報左價先走...ohhh...搞到差唔多8點先走~ 仲諗住可以早過ki, 點知都係佢早走過我...
今晚去左唱k, 我, elel, bro fung, tatat, sato, elaine, ven~ ven全程冇唱過...好似好悶咁喎~ 旺中neway d壽司真係好得, $1一舊...好抵, 又好味....正!! 士多啤莉芭菲$5, 超抵!! 好鬼飽!! 唱到12點俾人趕走lu~
jess打黎, 約我星期六晚...話一定要我出喎...應承左喇~ ohh...冇得痴住tim~ 星期日同生去睇sammi concert!
琴日ki同我講, 佢話有d野我冇記低o係blog....好啦....依家寫返啦! 有一日返工, 我搭49x, 佢搭43x, 去到大河道個站, 抬頭望一望, 見到ki o係隔離架巴士...hahaa~ 佢o個時訓緊覺, 我即刻打俾佢, 見到個傻瓜拎個電話出黎...佢聽電話之際, 巴士開了, 佢見唔到我~ 個感覺好得意...又會咁o岩既~ o係公司其實都唔會見到佢, 每次o係公司撞到, 個心都會講一聲..."咁o岩既?!"
|
