今朝起身...個腦不其然諗...新一天又到喇, 冇左佢我一樣要早起返工, 一樣要生活! 要令自己活得開心才最重要!

================================

今日派信通知人工調整...我加左...2.8%!! manager仲話我呢個%係按比例, 如果計返一整年, 應該有4-5%! 冇理由架喎...冇理由係咁計囉~ B仔都好少, 好過冇啦~

入房坐底, manager第一句就問既就係,"你瘦左喎, 呢幾日做過咩呀?" o鞋... 又話我瘦...

================================

琴晚上newsgroup開左個topic "什麼叫私隱???" 估唔到咁大迴響!! d人你一句我一句, 大大話話有成百幾二百個post! 講講下睇到d人講野有d火藥味... 好多人都話睇人地d私隱係唔o岩! 我夠知啦... 但真係要了解睇既背後原因, 如果係信既, 真係唔會睇! 兩個人一齊冇左"信", 仲一齊有咩意思呢?

睇左兩個email, 星座o個個, 真係得啖笑... 另一個, 好明..真係明白佢講既意思...一早都知, 大家都要學習與身邊既人相處!

================================

真的結束了... 1146日!

聽收音機...主持人話... 唔洗專登去忘記... 時間會幫你架! 順其自然, 你愈想忘記就愈忘記唔到! 可能有一日你發現有人提起佢, 你既感覺只係... 呢個人我認識, 曾經愛過, 但你對佢已沒有感覺了!  到這天, 你便成功了!

情像雨點　似斷難斷 　
愈是去想　更是凌亂 　
我已經不想跟你痴纏
我有我的尊嚴　不想再受損 　
無奈我心　要辨難辨 　
道別再等　也未如願
永遠在愛與痛的邊緣 　
應該怎麼決定挑選