琴晚同媽咪訓, 老豆訓我間房... 大長今未做完就訓左, 不過12點時有人打黎嘈醒左, 好彩訓得返...

一朝早7點幾訓醒, 不過又訓過, 訓到10點, 睇一睇個電話, 係ivan 既sms, 琴晚1點幾send黎, 多謝鼓勵! 電話信箱full左, delete左幾個sms, 好快又有sms黎... 係佢... "發夢擺酒, 妳係新娘...同妳經歷左四個情人節, 點解結局會係咁..." 我不自覺地叫左一聲..."夠喇!!"

差唔多11點開電腦, 佢問我係咪唔應佢, 開頭我冇應...後來同佢講唔好再send sms & email俾我... 佢話佢個diary係假, 叫我唔好信, 好記得佢仲話..." i like her but i love u." 聽到後第一個反應..."你終於都認喇!" 仲有一句..."if u force me to give up, i will go with her!" 我既回應係..."if u are happy with her, that's ok... it's really come from my deep heart!" 我真係咁諗...佢都係追求自己鍾意既野o者, 冇錯架喎! 講左都有一陣...終於答應左見面...

6點半黎到, 送左一set kitty扭蛋機, 一直逃避佢既眼神...

佢話diary係假, 只係想尋回一d唔見左o既感覺, diary唔多唔少有d誇大... 但...我唔會o係自己diary誇大, 只會寫自己感受及100%真實!! 又話同個女仔冇開始過... 叫我唔好放棄... 問我如果證明到佢對個女仔冇野, 又話可以對佢咩都唔做, 可以俾信心我, 係咪考慮同佢一齊... 我答"係!" 就咁...佢話已得到答案, 好快就走左...

夜晚11點幾, 打俾佢2次, 冇人聽, 佢打返黎, 話o係元朗, 知啦, 知係同佢一齊, 但佢話同亞威一齊飲野... 根本亞威就唔o係佢則邊, 可能佢自己都唔知亞威o係邊! 我想講...我知囉! 之後打左幾次電話都冇人聽... send 左一個sms..."沒有什麼想講, 唔想知真相...如果你真係覺得未完既, 證明給我看...我知你已清楚什麼應做什麼不應做, 對嗎?" 之後沒有收到任何回應... 又是講一套做一套! 已沒有什麼祈望...是真的, 所以沒有太大不開心! 我知道自己為什麼而活...我只會為錫我既人而活! 要是真的想一齊....請盡你的努力證明給我看...沒有看到證明, 沒有信心, 怎樣再走在一起??

=================================

bobo, 我諗你係愛佢既, 只不過可能不夠多... 但想講既係... 人的性格是不能改變的... 你是否可以一生都接受呢? 想清楚吧... 溝通多d, 講多d你既感受俾佢聽啦~

三小姐... 你同我都係一樣... 都係鍾意跳樓, 但我開始清醒, 望一望樓下, 個心識得驚喇... 慶幸o係我琴日最唔開心既時候, 媽咪陪左我成日! 同埋呢...近排睇一個newsgroup, 睇人地d case, post, 明白左好多野... 知道兩個人相處真係一個好大既學問! 我睇你, 我覺得你件事可以好簡單咁解決, 你睇我亦都係, 但現實唔係咁... 好多野都係靠自己, 別人幫唔到自己! 首要既係要知道自己究竟為什麼而活! 我已找到, 你呢?? 問問自己, 清楚地答自己吧!