今晚同ki屋企人食中秋dinner...一圍台有16個人, o係沙田食~ 間酒樓好唔得!! 第一次同ki咁多親食飯呀~

今個星期過得好快...眨下眼聽日又到星期五喇~ ki聽日要上大陸, 要自己一個人搭車返工 >.< 依家返工...雖然有好多單o係手, carmen又放左假過左中秋先返, 但係, d野都係一個上晝已經做得晒, 有好多時間都係做自己野, 一係同同事吹水... 都有諗過...如果我出到去其他公司, 一定死梗! 亞姐叫我去讀書, 不過....真係好唔想, 十分唔鍾意讀書!!

聽日carmen結婚喇...好開心...成team人聽日5點半shape走!! 打牌!! hahaaa~ 結婚....對我黎講都真係一件幾遙遠既事... 前日同一間woven既supplier飲茶, 我唔識佢...亞姐叫佢估下我地成team邊個最細...佢一估就估係我...係...我真係成team最細o個個黎架!!

queenie問我借月餅券拎上昇輝, 本來佢話聽日俾返我, 不過佢話佢又應承左俾張佢媽媽...突然間拎住個銀包走過黎放張一百蚊紙o係我台, 叫我收順d~ hahaha...一張唔洗$既月餅券換左一張一百蚊!! 抵呀!!!! 哈哈!!

今年都算收到多月餅喇, 有5盒呀! 梗係啦....如果仲o係stanley team就成喇~ peggy佢地咁大生意, d vendor, supplier一大堆, 但都係分得兩盒! 點解?? 因為stanley食晒囉!! 真係cheap!!!

琴日放工行過紙扎鋪睇燈籠...終於見到有坦克車, 搵左幾年架喇!! 不過一d都唔靚, 冇買到~~~

以前mexx中秋有得放早liz冇架! 不過今年有喎~ 放3點, 食完飯返黎都兩點啦...不如放一點仲好啦!!