日日都好無聊...唉...冇野做, msn又俾公司block埋....返工好悶~

to: 好人一個
間公屋當然冇我個名啦, 我個名用左黎抽居屋~ 我都知如果叫亞媽拎間公屋抽居屋, 就算抽到都係我阿媽個名! 抽又煩唔抽條氣又"chok"住!! 個個月俾成7千幾蚊出黎架!! 阿媽口口聲聲話幫我儲, 我都知拎得返既機會好渺茫, 個個阿媽成日都話幫d仔女儲架啦, 到頭黎咪又係一個仙都唔俾返~ 依家我只係覺得我係幫緊亞哥供樓囉...住多一個月就蝕多一個月, 好唔抵!! 我都相信屋企人唔會出賣自己屋企人...但佢地咁樣...好難唔令到我咁諗, 當我問我阿媽係咪第時我冇晒房屋署資助...佢一聲"係架!!" 我真係覺得佢地出賣我囉! 講真, 抽居屋時得廿歲, 邊會諗得咁長遠... 佢地又咩都冇講, 抽o個時冇問我好唔好, 只係叫我拎個名出黎抽, 到抽到喇, 就同我講"喂...抽左間居屋, 要供喇喎!" 阿媽又曾經同我講過, 間居屋第時係我亞哥, 佢唔會同新抱住, 間公屋係留返佢養老架喎~ 當時我聽到, 真係好嬲!! 照你睇法...其實, 我都係冇野可以做架啦~

to: bean
中mark six, 我都想, 不過我冇呢d運, 你買時打黎叫我choose number, 知我一定唔中所以先問我既o者~ 死野!!
你今日bcc個email過黎, 點解你對佢d語氣咁好既? 如果係我, 我會串到佢反肚囉! 仲要cc埋佢亞姐tim! 不過算啦, 就算你串佢, 佢都未必get到... 好彩佢唔係跟arleen...如果唔係....佢真係即死!

琴晚約左大mic哥買基金...今日lunch過黎簽埋d野...搞掂!

放工去左新城市買野...之後去左ki屋企...
可能係我近幾日心情唔好...成日發脾氣, 又成日喊...三日唔埋兩日又喊...好累呀~

原來我屋企行去ki屋企真係好近架咋! 今日返屋企ki帶我行左一次..
下次就可以行過去, 唔洗等車搭bus or 小巴喇~

聽晚公司食飯, 全mexx only返上晝, dinner有game, 麻雀大賽同飲啤酒比賽~ aggie今日走過黎, 話飲啤酒預埋我, 不過我都唔鍾意飲啤酒既, 飲芝華士啦~ hahahaa~

好眼訓呀...琴晚講電話講到3點~ 都有4個鐘呀! 今朝落車ki豬打黎, 佢又係遲過我上車, 但早過我落車囉~ 佢等埋我先一齊行返公司, 原來哥哥見到ki o係巴士迨等我, 仲行我地後面一齊返公司tim~

終於證實左依家住緊呢間屋冇我名, 我唔係業主, 只係住戶! 但因為之前係用我同亞哥個名抽呢間居屋, 我第時就冇資格再申請房屋署既任何資助... 咁即係話, 我俾屋企人搵左笨! 佢地為左抽呢間居屋而犧牲左我!!! 咁點呢, 依家唯一可以做既, 就係用間公屋去抽黎緊剩返既居屋...咁我先可以有我自己既屋企, 如果唔係, 第時我就一定要買私人樓喇~ 我自己供一層5百幾尺既居屋唔係問題, 俾首期都唔係問題...問題係, 俾左首期之後冇$裝修...咁點好呢? 仲有最大一個問題, 係點樣可能令我亞媽肯自願拎返間公屋出黎俾我抽居屋!! 我一個月俾咁多$出黎, 佢成日話幫我儲起, 咁究竟又儲左幾多, 佢又肯唔肯拎出黎俾我呢?? 我既朋友, 你地有咩意見??

今日經理病假, 又冇野做, 好明顯我地個個都係做自己野, 一係傾電話...好無聊~

carmen話佢唔見左個thomas火車玩具, 我仲好得戚話我d kitty冇唔見, 點知講講下...我發現唔見左個透明橙色閃粉kitty扭蛋機呀!! 唉...我同carmen都搵過都冇, 一定係俾人偷喇~ 個kitty係有次同brian ng食飯佢扭俾我架!!

放工ki豬過黎同alice傾左一陣, 好慘呀我....俾佢地兩個夾功... alice...你變左喇!!

10點醒左, 12點去到河畔, 之後去左富豪neway唱k, 好耐冇試過兩個人唱k, 記得兩個人唱k, 只有我同jeff先會咁做~

唱完3點, 返去執野...
一個月前因為一場波, 一個月後因為一幅相...鬧交~ 唉...喊左好耐...好累... 真係想即刻衝出去走...但又冇勇氣咁做! 對我黎講, 我只係覺得...因為張相對你好重要, 所以先咁鬧我, 而唔係因為你所講既...我睇張相阻住執野, 又或者係因為八掛... 雖然鬧完交好似冇事...不過, 真係好唔開心! 我冇話過你要掉晒以前d野, 呢d係你既過去, 同我冇關係... 不過你今日既反應, 我覺得有d奇怪! 依家既我都唔鍾意摷人d野, 除非好似今日咁執緊野睇到, 我先睇...

執完野去食野, 本來食完野打牌, 不過我對眼真係好累, 好痛... 最後都冇打...

好唔開心...好唔開心...好唔開心...

15 aug (wed)
夜晚去左ma on shan執野...嘩...唔好講笑, 真係好累, 執到3點~

16 aug (thu)
請左下晝假, 放工同wm飲茶, 之後去左柴灣睇lcd tv, 跟住返ma on shan等搬屋公司黎搬野~ 返到去, 我梗係訓覺啦...hohooo~ 6點幾搬屋公司到喇, 運埋過新屋整埋張床8點, 落街食飯~ 搬屋公司真係好勁! 搬野真係好快, ki張床真係好難折...過到新屋, 砌返張床仲難...要3個人先搞得掂...真係好似睇表演咁~ 勁!! 仲要床, 衣櫃...所以野都tight fit...放入間房真係超難!!

食完飯上樓9點...唔係執野, 係開台囉, 第一時間拎返張麻雀台, 仲有要o係幾十個箱入兩搵返麻雀出黎!! 又係一個字...勁!! 打到3點...訓~

17 aug (fri)
今日調左返下晝, 訓到12點先起身, 勁眼訓呀!! 放工都係返新屋....執野~ 又話打牌....no la...唔打喇...好累~
返到公司...佢地知我因為搬屋請假...個個以為我同ki搬埋一齊...真係激死!!

訓醒11點, 再休息左一陣去ki度...hea下hea下搞到4點先食第一餐~ 去左新城市美心食tea, 之後去左宜家傢俬遊~ 我諗依家都搞掂晒啦...執好野就得架喇~

夜晚返左石圍角食飯, 好耐冇返去喇, 我諗都有個幾月喇~

食完飯返黎去左百佳買野整sweet sweet早餐, 仲買左雪糕tim~

聽日係回歸liz既第一日, 要7點半起身呀!! 好q早呀!! 今晚要早d訓....