仲有幾日就真正開學啦..要正式脫離中學生既稱號..
回想返呢7年既中學生活..其實都真係幾似發左一場夢..奇蹟一次又一次咁響呢7年入面發生..
自問我唔係乜野讀書既材料..小學既時候..人地個個拎9x分既時候我8x..人地8x時我7x
去到中一..人地8x既時間我更加只係得3x-4x  莫講話要做頭3..我連想all pass都唔容易..
唔知係唔係個天可憐我啦..當我開始對讀書再冇任何期望既時候..個天俾我考左一次第10..
奇蹟更加響之後果4年不斷發生..個名次係咁升..第3..第2...第1!! 之後仲可以keep住第一
去到會考..就算個分幾唔滿意..都仲叫有2字頭...對我黎講..呢個已經係一個奇蹟..

更大既奇蹟就係........
唔知點解我天生就對英文有恐懼..一見到英文就會發癲..
即使上到英文中學都唔例外..英文差到係全form既bottom 10%..
搞到我要去幾獲remedial班..仲記得我當年俾d fd笑到面都黃..
但係之後真係唔知發生咩事..我d英文竟然可以係咁進步..去到會考仲拎埋lv5
我最驚既oral同writing有5*同5添..我諗除左用神蹟黎形容我都唔知可以用咩黎形容..
響果刻我真係覺得人生充滿希望...

可惜..呢d既奇蹟唔可以繼續發生響我身上..考試成績差到跳起都唔再講啦..
英文最後都要衰響practical skill手上..
就算我oral同writing有幾努力..拎到高grade都好.係人地眼中我只係一個英文唔到家既小子..
去到呢刻..我只係覺得自己好似變返7年前既自己.
既然結果都要變返做7年前既我..點解我呢7年要過得咁辛苦?

響呢1個月入面..我不斷埋怨自己..點解呢7年入面做錯咁多決定..
點解我要放棄amath..點解我要揀3個al..點解我唔轉商科..點解我唔appeal..點解...點解...
當我以為自己已經接受左呢個事實..唔再埋怨之祭..我先發現我根本就接受唔到...
有時見到d隔離鄰舍問我入到邊間大學..咁我諗都唔諗就講poly la...
但當佢地話"好叻wo入到poly"既時候..我先發現我根本冇勇氣去接受我只係響大學讀hd..
聽到佢地既讚賞之後就好似俾人用刀一野插入我個心咁...
就算我呢排幾咁熱心參加活動游說自己去接受,,我只係知道我呢一刻仲係唔甘心......

屋企既問題好似有排都唔會有解決既一日..只會不斷既惡化..今日我最好既朋友亦飛走左...
唔知係個天係想考驗我呀定係唔鐘意我...要我響咁短既時間入面發生咁多野..
響呢一刻..我真係感受到咩叫空虛..
我依家既唯一目標係要響yr1爆gpa做first 5上yr2..雖然好似冇乜可能..但願奇蹟再一次發生!
我要準備好幾日後開始既新生活..行我應該要行既路...
我要證明俾"你"睇..得到依家呢個結果..絕對唔係因為我既EQ未到家!!!!!!