見到末代高考生呢幾日開始左佢地漫長既高考旅程, 突然之間又諗返起一年前既自己
原來話咁快就一年, 但其實諗返轉頭,呢1年發生過好多唔開心既事
其實呢1年黎, 我真係覺得自己變左好多, 變得好虛偽, 我唔係話賤格果隻虛偽, 而係有時明明自己唔開心又要扮到好開心咁
但係諗諗下自己又唔係扮架wo, 或者根本連我自己都已經唔識分咩叫開心唔開心!
或者當一個人遇見到愈多負面既事, 尤其是當所有事都響好短既時間入面發生既時候, 人生就好似愈黎愈冇乜意義
(放心,我唔係睇唔開, 要睇唔開既話, 應該都唔會係呢家先黎睇唔開)
呢1年教識我, 呢個世界真係冇野係必然, 唔係個個都會對自己講過或者做過既野負責任, 就算連屋企人都唔會例外!
先唔好講到咁複雜先, 讀書方面, 明明自己天生唔係咩讀書既材料, 考試成績又唔係特別好, 但係又唔知點解又會俾我入到間band 1中學
明明一入到去讀書果時d成績差到嚇死人, 又唔知點解去到中4,5 又俾我考到第一wo!
我仲好記得當時d老師仲同我講會考有2字頭, 大學個門口已經開定等你入去!
升到中6,7, 身邊d老師同朋友個個都成日都話我"一定得呀, 入硬呀" 之類既野, 結果咪入唔到囉!
好多人會覺得有個平平淡淡既屋企, 響特別日子返屋企一家人開開心心咁食飯係必然既,
但係當中秋節食團圓飯既夜晚會得返我自己一個食, 有人寧願住醫院都唔返屋企住既時候,
al放榜, 屋企第一時間唔係理我感受既時候, 甚至屋企人之間係用大話黎溝通既時候
呢個世界仲有冇野會係必然架呢?
其實只係屋企少少既改變而令到好多其他大問題既發生, 我真係唔知可以用咩字黎形容
我明白所有野既背後都有佢地既原因, 只係當時所有野都發生得太快, 我真係接受唔到, 曾經有一刻我真係驚我自己會痴線
做人點解要咁執著呢, d人日日響度鬥, 成績又鬥一餐, 爭到第一又點姐, 好叻咩? 考到第一只不過係果刻既第一, 又唔係永遠既第一, 鬥黎做乜?
坦白講, 我已經厭倦同人鬥成績呢種玩意!
其實呢1年黎我都好耐都未試過好好咁訓返教好既, 我係唔係真係咁忙呀? 明明有時冇野做都唔肯去訓, 寧願好似依家咁諗埋d無聊野都唔去訓, 唉
"人生的漫長旅途中，總有那麼一段時間，需要你自己走，自己扛。不要感覺害怕，不要感覺孤單，這只不過是成長的些許代價。"
我成日都覺得econ個business cycle好似我既人生咁.........................
this is life.......................... |
!!!!!!!!!!