4年幾前..我就係因為想發洩心中不快或者share下d開心野所以開左呢個blog
但係到頭黎我就就係因為有太多野想講而唔再用呢個blog=[

等我得閒嘗試下再用個blog..或者個人都會開心d.......

衰運係唔係真係會接踵而來?
上年到依家..衰既野不停咁發生..直至6月30號..呢d衰運仍然跟住我唔放..

話我接受唔到咩?其實同我預測既分唔係真係差好遠..
但係我只可以講..我真係接受唔到..
事後有好多人同我講..唔緊要啦..可能係因為屋企既問題先搞成咁姐
雖然響我考哂試之後心入面成日俾自己呢個藉口..安慰自己考得差都冇所謂..
但係依家諗返..自己都覺得好笑..屋企有事大哂呀??唔通幫自己諗完個藉口之後..
個分會升返??個degree會返黎我度??唔通我跑上去hkeaa度同佢講.."我屋企發生左事呀..你快d加返d分俾我呀"??
怪既只可以怪自己EQ未到家..或者自己真係冇咁既能力

衰運唔單只係個OVERALL RESULT..連UE都要玩我!
係呀..冇錯呀..我ORAL A左..WRITING B埋..我都覺得自己好勁..
我記得TERRI果日仲同我講.."ORAL同WRITING係最SHOW得出1個人ENG叻唔叻既卷..咁姐係證明你ENG係叻啦" 就算係.但SO WHAT??????結果咪得個D..人地D U睇分咪又係睇你OVERALL個分??
我唔係話想怨邊個..人地4份D..1個C已經夠佢C左..但係我點解要讀得咁辛苦拎左個A同B先得個D?
我好肯定我呢2份卷D哂我OVERALL都一樣會係D!我真係好唔甘心..
怪既只好怪d衰運唔肯放過我..

安慰既說話我已經聽厭..我唔想再聽到D咩"仲有機會呀""條條大路通羅馬"
我明..你地都只想安慰我..調返轉係我..我可能都係會講返呢D野..但係我每一次聽到只會更加埋怨自己..
最難受既係..點解會考既分幾高就認定左果個人AL幾分?
我真係唔想再聽到有人話"點解架..你CE好高分架?做咩會咁架?"當然我唔知背後有幾多人響度笑緊我..但係我希望你尊重返我!

排JUPAS..見到人地個個都苦惱緊自己既前途..自己既興趣點排..再望下自己個LIST..真係諷刺..
手上剩低既只有2個3個我從來都冇諗過要擺..一D前途都冇一D興趣都冇既科..
依家做到既只係用前途黎搏一D冇前途既野...<--呢句野真係深奧..
一個考試令我後悔左好多野..呢幾日冇一日早過5點訓得著..飯唔係有人提都可以唔駛食..4點先食第一餐..我真係佩服我自己!
但願JUPAS放榜會有好運照住..祝我好運=]

唔係早幾日食飯我諗我真係唔知自己已經放低左..
只係半年既時間已經好似好陌生咁==



呢幾日拜年先知我既輩份咁高架--
幾年前有個大過我幾年既叫我做表舅父已經好怪架啦..
琴日先知我原來做左人地阿叔..
個B仲要岩岩識講野..係咁叫我做阿叔囉--
我幾時變左咁老架==

去到呢個MOMENT..
只有PHYSICS呢科先搵到半個自己..
BIO同CHEM......................................
但係我真係好驚累左浩神=[
BIO!!!!!!!!!!!

如果要我用一個形容詞形容今年既話..睇黎我只可以用"無言"黎形容

回顧返成年..我諗去北京果10日係呢年唯一有開心回憶既日子..
雖然10幾年黎第1次自己1個遠行..真係好唔慣..仲要同個行為極度古怪既心同房!
仲記得第1晚食完飯之後..成班人要響2-3度既天氣之下行去等車,,
橫風橫雨之下響條又黑,環境又惡劣既街上面行.
果種感謝真係好難受..好後悔應承linda..好想返屋企!!!
不過就係呢10日令我可以好好咁放鬆下..10日入面完全冇任何壓力..
唔駛理d功課同quiz..only玩玩玩同埋玩..上堂就訓教訓到落堂都唔捨得醒..呢段日子真係好似發緊夢咁..真係好ENJOY!

今年亦係我成年既日子..但係成左年之後一d都唔好受..
仲記得上年既同樣時間屋企發生過D類似既事..
果刻我真係好驚要去面對某D野..唔係好接受到..好彩最後可以解決到..
可惜呢個世界冇野可以完美咁解決..
成件事到依家已經2個幾月..呢2個幾月黎屋企都未試過正常..
遺留落黎既仲要係每日不斷添加俾我既壓力同埋一連串既問題..
AL既壓力好似已經好大..但係再加埋屋企不斷俾我既壓力..我先真真正正咁感受到咩叫壓力..係一種前所未有既壓力
但我知道如果連我都控制唔到我自己既話..我真係唔知呢個屋企會變成點..
所以我唯一可以做到既只係響屋企人面前扮冇野..對住朋友我完全開唔到口..
果種有野講唔出..喊又喊唔出既滋味真係唔知可以用咩黎形容..我有時真係好驚我會有一刻會爆..
(P.S.我真係要好多謝某某成日做左我個發洩工具..雖然你EQ好似仲低過我..點都好我以後都唔會再係咁架啦..多謝哂呀&SORRY呀!)
點都好..3個月啦..事情總要過去..事實總要接受!
有時我響度諗..改變可能已經係最好既選擇..
唯一興幸既係我證明到自己既EQ真係好高好高...睇黎我真係大過啦xd

呢1年令我深深感受到呢個世界冇野係必然既
有D響我地眼中好似好基本好正常既野可以冇啦啦冇左
甚至一D我地每日都要做既野都可以冇啦啦做唔到..睇黎我地真係所有野都要好好咁珍惜!

新一年新開始..所有野都要重新黎過..我要做返真正既自己!!
AL..我黎啦,我要KO你!!! 只係我好似已經冇左當日既動力..有冇人可以幫一幫我?
我真係衷心希望新既一年真係可以快快樂樂....
我唔要明年既今日會有任何遺憾!!
HAPPY 2011!!!!!!