一年又過去,,睇返自己個blog,原來我呢1年打左唔夠15篇blog,究竟真係冇野發生過定真係讀書太辛苦冇時間打定根本唔知應該要點打??
二零一一年應該係我人生中埋怨得最多既一年..
呢1年黎發生左好多突如其來既轉變..無論係屋企方面定係讀書方面都發生左影響我既人生既大事件,,
呢幾件事都係我從來冇諗過會發生..我真係唔識點樣處理
當所有野都同時發生而又冇人可以幫到你既時候,,乜野事都淨係識怨怨怨..
呢1年入面擺響我嘴唇邊既係無數句"如果........就唔會咁啦"
有d野唔係響我既控制範圍之內,冇辦法,我唯一可以做既係慢慢嘗試去接受嘗試去習慣,只係我冇諗過由1件事顯生出黎既連鎖問題會搞到依家都未解決得哂
但係有d野我總係覺得得到呢個結果係我自己造成,好似讀書咁..諗起以前曾經"風光"過既日子,我成日響度怨我以前做既一個又一個錯既決定
我有時真係唔知自己蠢定咩, 點解我要揀一條比AL辛苦多唔知幾多十倍既路黎行
坦白講,,我真係唔知依家付出比AL辛苦多唔知幾多十倍既努力可唔可以換返我想要既結果
每當我的起心肝溫書既時候我又會諗, 就算俾我成功入得返去, 我呢科野既前途都唔會見得好好..
現實係殘酷既.. 不過唔緊要,,起碼我知道如果我依家放棄既話,,我將來就真係會咩都冇!!!!!
或者命運注定我今年要面對咁多煩惱!!!!!!
如果命運能選擇?
"唔同既決定,會行出唔同既路,到最後都係響出一個終點出現" FROM天與地
呢套野真係好睇..好睇在我第一次睇劇集睇到我有共嗚!
諗深一層,人生總會有高同低..如果一個人成世都咁平淡,咁做人都好悶姐 :)
二零一一年都有D值得回憶既片段既..人生最一次返工..雖然有D唔慣..不過總算開心..
起碼呢份工響我最唔開心既時間入面分散左我既注意力
二零一一年,的確俾左我無限個唔開心..係一年令我極度傷心既一年
好記得,,有個POLY既新同學曾經同我講過.."你就好啦..你成日都咁鐘意笑,,你做人一定做得好開心啦"
我都係依家先知原來笑唔一定代表開心..至少我既2011年係......................
不過我可以好肯定咁講..過埋呢晚之後,,所有既唔開心都會消失,我要開開心心真真正正咁笑住過2012!!!!
二零一一年,你讓我長大了,感謝你。
多謝每一位呢1年黎帶過俾我快樂既朋友!!!
響黎緊既2012年,,我會抱住爆GPA既目標出發!!!! 2012我黎啦!!!!!!
|
