明年今日,,將會係我高考既完結,,亦係中學生崖最後一次考試,,

回想一年前的今日,係人生第一次公開考試既開始

最重要既係..聽日係我考會考中文既日子! 有幸嘗試做末代會考生既滋味

god bless me!

千祈唔好俾菠蘿文個烏鴉口up中呀!!!!

HKCEE

I'M COMING!

我係末代會考生,,

原來我已經返左黎超個一個禮拜啦,,但係回想返轉頭,,好似過左好耐咁

由4月8號夜晚11點幾返到屋企,,4月9號返學,,仲要duty返7:45,,放學補習,,之後1連3日連上5堂補習..

之後1個禮拜又要返學,,仲要不停咁做北京果本野同成個假既功課,,

到左星期6又要出灣仔開會傾project傾左成日,,星期日又連續補習補3堂

原來我返黎咁耐真係冇抖過,,chem quiz同中文都冇時間溫,,救命呀

我個人就返左黎個幾禮拜,,但係個心仲好似仲響北京咁,,

完全冇哂心機冇哂動力做任何野,,點算???

返黎hk之後既呢11日得1個字可以形容,,就係攰,,無時無刻都想訓,,

陪左我十日上堂既書同學生證,,做到我就黎死既手冊(70幾頁),,十日以黎每朝1份既領袖生日報,,結業證書,,特長團體照(成卷既,,仲有個好有feel既盒入住),,俾人迫住一定要買既書,, 同埋咁多樣既手信,,包括冰糖葫蘆,,筆,,八旗娃,,長城模型,,鎖匙扣等等

琰琰,,記得我地既1年之約

返左黎都4日,,但係我到依家都好似冇正式咁抖過

8號果晚8點幾先返到香港,,等埋行李食埋野返到屋企都成12點..

第二朝仲要返早!!!!== 放學仲要補習,,攰到我搭車訓過龍,,搞到遲到添

之後星期6又要補習,,星期日仲要上3堂,,返到黎3日上5堂補習,,真係攰到想死

仲要成個假期既功課都未做過..呢3日真係..............之後今日又要返學.

去左北京10日,,返到黎之後真係好唔慣..佢地果邊食飯時間超早超密,,7點早餐,,11點午餐,,5點DINNER

依家成日勁早就肚餓,,但係又唔係食得多野wo

天氣,,話就話溫差大,,但係北京既天氣好舒服,,又唔會潮濕,,返到黎香港覺得好熱好濕,,真係唔慣

仲有,,我完全未ready要返學,,返左2日學真係好唔慣要返學

返到黎之後個個都話想留返響北京唔想返黎..其實我都想...

我唔係話鐘意北京,,都唔係留戀北京,,

但係呢10日都好輕鬆,,咩都唔駛理,咩都有人同我搞哂,,好似發左一場夢,,無憂既生活..

唔駛做功課唔駛溫書,,only玩,,但係一返到黎就要功課quiz溫書補習project,,仲要面對AL

返到黎咁耐,,個頭就暈咁耐..好似仲發緊夢咁,,唔知咩先係真咁,,

成group既人都有同一個諗法: 想逃避現實!

10日好似唔係好長,,但係呢10日真係好漫長,,個行程密到想死..平均每日6點起身,,9點幾10點先返酒店,起碼都12點幾先訓得,,

仲慘過返學,,日日朝早做完既野好似幾日前做既咁............真係攰到飛起

出發前果晚,,執野執到12點幾先訓,,但係3點就要起身搭車,,先訓得2個幾鐘,,點知一去到就冇得抖

講真,,如果唔駛上佢果d咁悶咁洗腦班,如果同房果個正常返少少,,成個trip會好好多既

10日經常出入既地方就係人民大學,,簡稱人大..==

d堂比中化堂仲要悶幾十倍..真係寧願上哂8堂中化堂都好過上佢一堂

有2日上堂可以上到朝八晚九成日都係上堂,,真係悶到嘔,,差唔多堂堂都訓著,,甚至訓哂

我相信我地可能係唯一可以同左派教授響大陸光明正大咁講六四既人,,

諗返起第一日去到,,第一餐所謂既"lunch",,見到個天矇到連行到鳥巢同水立方隔離都睇唔到佢既存在,,空氣又差,,又凍wo,,d環境又差,,尤其是夜晚,,一日都未過,,真係好想返香港

最記得果晚個個都喊住話要返香港!

好彩第2日,,d天氣正常返,,不過溫差真係好大,,仲要全日上堂,,d飯菜既味道就點都.................

之後果日,,4點鐘就起身去天安門,,去到天都未光,,

呢10日去左好多地方,,去長城做好漢,原來行少少已經好攰.,去故宮,,盧溝橋,,圓明園,,軍營,,鳥巢,水立方,,科技館,,王府井,,天津等等

呢10日真係好長..發生左好多野,,一齊練舞,,一齊練歌,,一齊nobody,,一齊it's raining..一齊力量,,仲有第一次食d中藥既藥丸,,勁苦同埋要含到融

由我開頭好驚個陪同同學,,變到最尾成日俾佢玩,,

就算我唔可以用開心黎形容呢10日,,我都忘記唔到呢10日發生過既野,,尤其是阿琰,,好似我地個家姐咁..

呢個trip最可惜都係,,有個冇乜責任心同好怪既miss,,同埋個行為怪怪既同房(有幾怪?想知既又唔怕核突既就自己問我啦),,原來2個都係同一學校黎既..=-=

anyway,,都係屋企張床最舒服,,阿媽煮d野最好食..=] 我又傷風啦