琴晚比旺財激死囉...打幾隻字之嘛...唉...

今朝8:15又比阿媽叫左多去...超暈呀...

送完我細佬返培靈之後...我細佬d同學既阿媽響度問我同我阿媽揀中學既野...

算吧啦...d成績仲好過我...仲驚d咩呀...過分緊張啦你地...xDD

我當時小學d成績差到我阿媽都唔認得都係咁啦...........唔好提啦都係...

傾完之後同阿媽去左上水...去左金香飲茶...一邊飲一邊'恰'眼訓...

跟住去左惠康買新年既野...買埋d禮盒...太多啦...拎鬼死我...-0-

返屋企...發現真係好似有d唔對路...好似愈來愈暈咁...同左阿媽講...佢帶左我落去睇醫生...

第一時間就探熱...my god...37.5!? 我竟然發燒!? 不過發得太小啦...都唔係好算發燒姐...冇估錯...個醫生又係話有小小感冒...-0-

返到屋企之後想做功課...但係一做就眼訓...最後都真係頂唔順,, 走左去訓覺...訓左2個幾鐘...-0-

原來話咁快就放左咁多日假...今日都已經第5日...好彩呢2日做左好多功課姐...xDD

以下內容係奉某陳姓旺財狗叫我寫既...

TO 旺財:

多謝哂你咁好人(狗)犧牲左你寶貴既時間咁辛苦同我打果幾隻中文字wo...

不過我覺得我等你打完d字仲慘過你打囉...你打得太"快"啦...xDD

好感激你呀!!!多謝哂呀!!!

7:30比阿媽叫左起身...搞錯呀...駛唔駛咁早呀...我返11:00架...

跟住再訓過...訓到8點幾9點醒左...唔知點解一起身就咳到痴線...

諗住做maths...點知做左一陣都已經10點幾...要換衫...大概10:35落去巴士站...諗住搭車可以快d...

響巴士站度見到pansy...點知我由10:38等到10:56都冇車囉...係唔係玩野呀...等左4個字都冇車...-0-

琴日就等278k等左3個字...平時2-3分鐘之嘛...都唔明點解呢2日D巴士要咁...

最後要10:56先有車囉...本來想搭的士架啦...點知我想去果時都已經有車啦...

有3架車都得架...70...73...73a...都要咁耐...11:00都仲未落車...無奈...11:01先落車...

拿拿聲跑番上去305...行到上301果時已經聽到然然把聲啦...好驚...第1次遲到...xDD 跑到我好想死...

上到去不停比人話做咩咁早...我想架咩...係車既問題...早知就唔搭車啦...行路好過...-0-

派QUIZ...有21.5/27呀...第1次錯咁小咋...好野...跟住教書...有D悶...不停響度教"古巨基"...xDD

話咁快就個半鐘...放學...同左donald and ricky返...一邊行一邊玩...

同donald講番琴日個"you are dumb dumb, give me gum gum" 真係好好笑...

返到屋企做maths...做完hwc,d啦...好野...諗住作埋遍文...點知唔識作...唉...唔做住啦...

聽日要同阿媽去上水買新年d野...無奈...

好暈呀依家...又咳wo...唉...暈左超過1個禮拜啦...快d好啦...求求你啦...

今日又要再去志蓮淨苑啦...今次唔好再同我講又法會呀...我會殺人架...

今朝訓到成10:30先起身...終於可以晏d起啦...好開心呀...不過仲係頭痛...都已經個幾禮拜啦...痛完未呀...T.T

食完野之後...大概11:45出門口搭278k去火車站...落到去巴士站...超長呀條龍...等左2個幾字都冇車...平時2分鐘就有架啦...搞錯呀...搞到我遲左到去...sorry呀~~

跟住就行去祥華村搭277x去志蓮淨苑...真係唔明...明明277x個總站就響我樓下之嘛...點解我要同佢地黎呢度搭呀...咁就冇左$3..

今日冇d咩法會...但係唔知點解得好小人去...多謝那一位婆婆一次過同我地影左幾張相...跟住我地就做左一陣工作紙...半個鐘都唔駛就走...

去荷里活廣場睇戲...到買飛果刻都仲未諗好睇咩...真係服左佢地...最後決定睇翻生侏羅館...好似好好笑咁...

一開始既時候好似好悶咁...跟住就愈來愈刺激...d野冇啦啦彈出黎...驚鬼死我地...點知之後先發現原本係好好笑架...

最好笑既就係個隻復活島石像講既野..."you are 'dumb dumb'...give me gum gum"...超好笑呀...原來聽英文都唔係咁衰姐...

成套野都好好笑...笑到我扒左響度...donald講左一句..."點解呢個rebecca同果個rebecca完全唔同既?" 唔知咩意思呢...xDD

套野睇左100分鐘...睇完之後唔知點解好似好暈咁...-0- 跟住去左m記食野...超多人呀...我地企左好耐響度等人走先有得坐...無奈,,

食完之後就走...我同笙哥話要搭277x...scoff就話70x...因為277x響我同笙哥樓下落,,但係又唔經scoff果度wo...傾左好耐...

最後都係搭277x...好野...xDD 真係要多謝呀周智軒同學比左個咁好既機會我減肥WO...唔識行就唔好話識啦...-0-

搞到我地響彩虹果度撓左個大圈...唉...好彩最後都搵到個巴士站...佢地落下一個又一個...最後得番我自己一個...唉...悶...

係時候要做下功課啦...連笙哥都做左好多功課啦...我自己一樣都未做...有D自卑...xDD

仲有一個禮拜就新年啦...時間過得太快啦...咁快又一年LU...

今日都好無奈...依然都係咁頭痛...

今日7:3x比阿媽叫醒左...見老師又關我事...-0-

阿媽竟然話順便當探老師啦...駛唔駛呀...-0-

返到培靈...第一時間既表情係o哂...冇見2年半姐...點解可以靚左咁多既...

d野整齊左好多...乾淨左好多...真係變左好多...就連我以前覺得好好人既老師(教過我既...現時我細佬既班主任)都變埋

以前d人有咩唔識...佢都會第一時間去教佢...教到個人識為止...

我阿媽今日同佢講我細佬成日都唔識做功課...成日都唔明d書講咩...諗住問下個老師有咩辦法...

點知佢一下就答叫哥哥教囉...有野唔明就問下哥哥啦...佢好似冇講過話可以問下佢本人...但係佢又好似唔係講笑...

我教我細佬冇問題...但係我覺得佢好似冇責任心囉...唔識唔係應該第一時間問老師架咩...我唔係有咁多時間架咋...我自己d功課唔駛做咩...

2年半姐...點解會變到咁...-0- 希望佢只係同我講笑...唉...唔好提啦...

跟住同阿媽左買皮鞋...真係唔明點解d鞋可以咁容易就玩完架...-0-

跟住又去左金星飲茶..真係唔明點解阿媽咁鐘意去金星飲...-0-

飲到大約12點3..4個字...去左賣10蚊野既吉之島度行...得個睇字...買左好小野咋...

成1:30先返到屋企...唉...冇野好做...諗住做下maths...點知做做下冇心機做...

中文果篇咩一場虛驚都唔知點作...要作呢篇野真係一場虛驚呀...仲要作500字呀...星期三要交啦...點作...

唉...hea下hea就hea到夜晚...睇爭霸大結局...太多人死啦...好似好慘咁...

聽日要去志蓮乾淨苑...又要早起身...慘...點解我越想訓多d遍又唔比我訓...究竟要我頭痛幾耐呀...搞到我呢排心悄都差左...-0-