過年依幾日好攰,但又好開心,可以一星期見哥幾次 ^^,不過就唔可以同佢過d 特別日子,有 d 失望 t^t 唉~都唔知有冇機會可以等到下年一齊過情人節添?過多幾日佢就要上北京喇~~~成個星期都搵唔到佢=.=

哥~~你真係要學下有d 情趣先得架))女仔唔喜歡冇情趣架男仔,我冇乜所謂,但對你將來都唔好喇,我今日係巴士係你手度寫左兩個字,你都唔明咁ga t^t,依 d 未會令到人心酸囉))唔好成日要女仔直接開口同你講先得架,咁別人會覺你個女友好貪咁,乜都開口問你要乜要乜,咁性格架女仔未似 mk 妹囉,我都唔係好乖但都知唔可以咁做,你要主動 d 先得架,唔係好昜分手架,知冇? 依d 係你弱點,你唔可以成日話忙,唔夠時間用,別的女仔覺你係籍口,你幾愛佢都冇用她會覺你唔關心佢,唔放佢係第一位唉~~不過你d 性格係咁冇計,我都叫就得人唔係一早有嗌交,哥~改變一下你d 古板性格喇,我為你好咋!!

點解你對我咁好,你真係一個好老公,但唔係一個好情人,我只enjoy 依家的拍拖感覺,但我覺你迫緊我結婚咁,你既然唔喜歡小朋友,點解重想有自己的家庭??我真係唔明你點諗,今日你做左d 野我真係好唔開心,冇時間俾我,我唔識點去分配,搞到我好亂,唔係應誠左妹妹陪佢買野我唔出,我坐車時好嬲不過係我約你冇計,食完野你d 說話又直,去玩 ps2 姐,唔洗講一早唔去荃灣食陳太d 炒飯,我都唔知點答你好,你唔喜歡出我唔免強你,你唔好講野好似把刀咁,一下子咁界下來,我好想喊,但冇可能係街咁,我唔會同你講,我放係心算喇~

尋日食完早餐去行左一陣,因過年時買d 牡丹花已玩完,諗住換過d 新架,呵呵~~見到d 劍蘭嘩~~~有紫色架開心死我喇,十蚊3枝又唔係貴wa, 我買左3枝紫色2枝橙黃色1枝黃色,等d 花今日開多小小先post d 靚相相 ^^.

尋日哥哥帶左妹妹仔返大陸玩,tommy仔唔去,咁我就care 佢, gary 佢又晏起身 wa 依..........悶死我喇,咁就約左佢出街街=.=唉~4點半 wa 咁晏架,不過都出左重一齊遲到,我又落早左一個巴士站,行死我所以尋晚好攰想早d訓,點知 tommy仔唔生性,搞我部 pc唔知佢玩到幾點,搞到我訓唔到,今朝一早又醒左,6點起左身=.=

明天哥哥返工喇~~哥哥好死8,問妹妹仔依幾日我去左邊,好彩佢醒目,話唔知~唔係就死梗

想同 gary一齊 t^t,佢尋晚訂左機票去北京喇~~

今日去左陳太度扲蘿白糕,可能我唔識點煎喇,都煎唔到=.=,都係用返微波爐叮叮算~~~~

今日哥哥話我面色好過岩岩識佢個時 wa, 都唔知係未,我又唔覺好左囉!?

一個人你珍唔珍惜唔係靠d 特別關係,感覺d 野好難講可以突然冇曬,所以唔好期望咁大,唔係將來大家都痛苦,大家一齊開心未得囉,你成日都係咁講喇,我都唔知你明天重要唔要我,理唔理我添,總知有一日得一日喇,明冇?

昨晚我哭著終於說出心底話,我知我已傷了他,深深地傷了他,我唔想再為這事而哭,因每次見完你,我回家都哭,偷偷地.....淚珠一顆顆地流下來,其實好多朋友都叫我放心和你一起,但為何你要遲了兩年才出現,你真是一位好老公,我知你一定可以找到一位比我還要好的女孩,相識快兩個月了,開心快樂的時間過得特別快,哥~一開始就叫你哥,我有一個好愛我愛我的好哥哥,我又哭了,每次想你我都哭,因我知你愛我,好多野我都知,但我總是放在心內,我真係捨不得你,一早我已和你說過,但你可否記得"你唔好叫我,問我迫我結婚",我真係可以甘心做你背後的女人,哥~我愛你,你是知........布布永遠愛你,你可以唔要我,我真是不會怪你,我曾經和一個好男仔一齊,時間長短我不在乎,但我好開心好開心,年三十晚我主動要你抱抱,我真係好開心,我好鍾意你轉轉我,你是第一個轉我的 我是由心笑出來,哥~多謝你給我這段美好的時光,和你一起是我的幸運我會好好記住,布布永遠愛你   嗚~~~