極心痛......

冇辦法接受,冇辦法接受依個事實

係哩大半年既日子

最初我係用英文同人傾MSN

記得有幾次妳都唔係好明我講咩

所以我就努力學點樣打中文字,希望傾計都可以清晰d

妳教我用九方,但係我學黎學去都唔識,之後就用咗速成

我每日都捕住個電腦,等機會同妳傾計

如果要離開部電腦,做其他野

我會開大個喇叭

所以係房都可以聽到有人online既聲音

聽到有人online,我都會即刻跑過黎睇下係邊個

見到係妳,果種感覺係無法形容既開心

日常遇到既事

就算係幾小既事都會同妳講

揾妳傾訴

每一日,我都會等到好夜,等到見到妳online為止

傾計既時候我已經盡力做到最認真

一日比一日既認真

依家

莫講話失去我唯一真心真意去愛既人

就連唯一既妳,唯一既傾訴對象,唯一既傾訴機會

都已經一下子失去咗

.........

大半年既日子裡面,我係唔係發緊夢???????

如果係發夢,點解所有既感覺都會咁真實????

沒妳的生命 似靈魂腐化

我真係好需要妳,唔可以冇咗妳

以前妳想我做,而我未做到既

我一定可以做得到,無論要我犧牲所有野都唔怕,我會做得到

懇求妳畀我一個機會

我在乎妳.我求妳...