|
以後既日子唔知點過
想訓覺竟然訓唔著
我個心真係好痛好痛好痛
好想消失係哩個咁真實既世界
哩半年黎,我究竟係度做緊d咩
追緊一個女仔既時候,覺得冇咩歌詞岩用
但係到咗被拒絕既哩一刻,反而覺得有好多既歌詞係度圍繞住自己
日日算命 如命中注定 一堆虛構溫馨
半年黎,自己既轉變,連我自己都冇辨法相信
以前,我唔會主動去關心人,跟本唔知關心其他人既意義係邊
自從我鍾意咗妳,我會主動去關心人,會因為妳既唔開心,幫妳祈禱
以前,我覺得講粗口好有型,好威
有一次,妳叫我唔好講粗口,果次之後,我想講既時候都逼自己唔講,驚妳會唔鍾意
以前,我買衫只注重有幾平,有牌子既衫跟本冇諗過買,原來著出黎係咁out 既
直到妳同我講依家應該著咩衫開始,我就買過晒d衫,同d fd去街會問下邊d牌子好,邊d係名牌
買咗好多新衫,新鞋,新Bag.............
以前,覺得玩MSN,ICQ係令人沉迷,荒廢學業既玩意
但係我就開始迷戀上哩種玩意,依家每日都會玩MSN,打日記
以前,我覺得港產片唔好睇,西片先係最好既
到依家我至知,d人點解鍾意睇港產片,由其是係愛情片,原來係咁好睇既
......................
我有諗過會唔會畀人搶先一步
所以我就想盡快同妳講
本來我諗住約妳行街,再同妳講
其實我真係好蠢好蠢好蠢好蠢好蠢呀!!!!!!!!!!!!!!!!!!!!!
每日都係度等,等到所有機會都錯過晒
一直係度揾機會講,去BBQ果陣講,情人節講,係學校講,考完Mock約妳去街果日講,英文補習約妳食飯既時候講
會考完約出黎講,去camp既時候講,送籃球畀妳果日講,放榜前約妳打籃球既時候講
我只係想,用最認真,最浪漫既環境,用至真誠既心同妳表白
我唔應該等到今日先同妳講
最心痛是 愛得太遲 有些心意 不可等某個日子
每日都係度發夢,每日都係度諗,淨係識得講唔肯放棄
到哩一刻,已經被拒絕,仲可以唔放棄咩
哩種失敗比我既放榜更失敗,更傷,更心痛,更難面對!!!!!!!!!
愛得太遲??其實我愛得一d都唔遲,最心痛既應該係講得太遲
我記得好耐之前,妳問我"你有冇野同講我呀"
果陣我竟然冇同妳講我心裡面既說話
諗返起,妳好似問過我哩個問題兩次
錯失太易 愛得太遲 我怎想到 她忍不到那日子
由細到大,我既心事都只會擺係心入面,唔同人講
但係到我愛上妳之後,所有既野,我都只係想同妳傾訴
身邊既fd,我都唔會點同佢地講
妳係我心入面係最重要,比我自己更重要
我喪盡理智愛妳 都只得到跟尾
我記得去沙田果日
BGW減價,$120兩件,買咗到依家都未著過
果陣覺得$120兩件已經好貴喇,不過依家當然覺得好平常啦
又記得妳見到一個袋,好想要好想買
記得果個袋係PLAYBOY,果陣個sales攞個黎睇,跟住我地走咗去tim
當時我有諗過送果個袋畀妳,但係我未儲夠錢,未賺到錢
如果係依家,我一定可以送到畀妳
我一心只係想將最好既畀到妳
日夜做 儲的錢 都應該夠 到聖誕 正好講 跟我白頭
我信那兩秒的我 曾經是最開心的人
如此這般想妳 誰可比
如此這般等待 不歇地
如此關心的我 如知己
餘下漫長既人生,到底我可唔可以放得低?????
到底我可唔可以企得返起身?????
我冇辨法放得低
我對妳既愛真係好深
到底我既眼淚要流到幾時先會停
仍然相信 我會有天終於等到 可能 妳有日會知道
8:08
尋晚冇訓到
諗既野太多,太亂
坐咗係床度諗,,,,,,,,唔係諗..........應該係煩
涯多一秒鐘,個心就痛多一倍
係哩一晚,我過既每一分每一秒都辛苦得要死
我真係好辛苦,個心真係好痛....
難受挫折極痛殘酷得多麼過份
我本來冇諗過再讀書
係哩個會考其間,妳係唯一一個支持我涯到最後既人..........妳仲記唔記得??
我以為有妳既支持,repeat對我黎講唔算得係咩
黎緊既一年,冇妳既支持,冇妳既鼓勵,我仲點樣涯落去
不單止失去一個可以支持我鼓勵我既人,更加係失去一個最好最好既傾訴對象
我真係好需要妳.........................好需要妳
估唔到我會失去最深愛既人
若是未夠的全部在歌中聆聽 歷過萬隻飲歌
任我曲詞難有錯漏 最終亦難逃痛失心中的最好
我知道妳都試過失去,妳可以企得返起身,證明妳唔係弱者
我自己把口成日鼓勵人,但係原來我先係弱者,我冇辨法接受到
沒志氣我未配你 眼看他將帶走你 我亦淪落到 遊戲 都玩不起
妳到底有冇嘗試過接受我??
如果我比佢早一步,結果又會係點??
到底我有冇野係值得妳欣賞??
落力做到足仍舊未可捉緊你
我再逗你歡喜 就似慘情遲散化的氣味
下世如泥沉沒都不懂得企起
我只希望,將來會有一日,妳會知道我先係最好
至少我對妳會係最好,永遠都唔會改變
我記得妳同我講過"d男仔靠唔住架"
我可以同妳講,我會係最靠得住果個
你沒有多出的心機去為我操心 失去我亦不需要散心
儘管我為你等多三千天 等不到終點
是我不夠擁有嗎 感覺不到嗎 道行未夠吧
成為我平常的女友
我愛妳既心到死果日都唔會變
|
