今日差唔到11點俾人叫左起身,阿哥約左阿婆飲茶,佢係我起身之前冇耐已經出左去攞位啦,家姐同姐夫都係我擦緊牙ge時候去左酒樓,淨低我一個最遲出門口....搭車個陣都好似未訓醒咁,去到天水圍唔記得轉車,之後轉黎轉去晒左好多時間先去到酒樓~

去到見到舅父同阿婆,好耐冇見佢地lu....食到1點幾到之後上左阿婆屋企傾左陣計,2點半到就走人,家姐同姐夫就去搵fd,阿哥就出街,得返我一個唔知去邊好....咁就返左屋企,繼續去拆屋.....

拆拆拆....拆到5點幾到啦..成身汗...去左沖涼,之後出左去搵阿爸食飯,食完飯之後冇咩野做,去打左一陣機,之後接到燕ge來電,佢話佢屋企部電腦上唔到網,好悶,咁我又冇咩野做所以就踩單車過左良景搵佢啦,唔知點解去到新圍輕鐵站個山邊隔離個d風特別凍ga,之後去到佢樓下陪佢接埋佢細路,之後車左佢去碼頭傾計,傾到11點幾到啦,諗著返良景食糖水,返到良景見到思妮同埋珮瑜,同佢傾左一陣計,之後佢地續漸發現到好多譚記ge同學,咁就同佢地坐地左傾下計咁啦,又同思妮同埋燕玩到好癲,同思妮玩個陣諗返起以前係永隆上堂同佢玩個陣...好耐冇試過啦ka....

咁同佢地傾到12點半到啦,就圍著良景順序咁送佢地返屋企,走到最尾連埋我得返3個男仔,個個都唔係住良景ge,不過都係同一條路走,經田景到建生,最尾就到我返泥圍啦

返到屋企沖涼,玩左陣電腦之後訓覺啦~