今日同屋企人去左市中心食下午茶

之後同bb去左公園到玩

不幸....中左雀屎,好彩係條褲到咋

玩到5點幾陪左我家姐去買野,跟著佢返屋企,送埋佢去搭車

打左一陣機,之後去左置樂買野飲比老婆,跟著行過去工廠個邊等佢收工

之後送左佢去補習,我就過左市中心,約左家良同阿泰去食飯

去到佢地都未到,打左陣機行左陣佢地就到啦

行左一段時間都冇目標,諗唔到食咩

最尾都係去返燉奶佬

好耐冇同佢地出黎食過飯,一路食一路talk返以前d野,開心

老婆放左補習過左黎搵我,佢食左個什果涼粉

之後坐到11點到就轉地方啦,老婆就返屋企lu....

買左野飲之後過左市鎮傾計,星期5晚都冇咩人,又有風,幾舒服

本來諗著12點幾搭埋尾班車走

不過傾傾下好快到左12點半,之後見傾得幾開心咁就繼續傾

傾傾下有個男仔好似好沮喪咁,見佢好似想跳落水咁,跟著就訓左係地下==

傾到差唔多3點到就行左過家良個邊搭車返屋企

先頭都冇諗住咁夜,不過都好耐冇試過lu