今日係同老婆拍左拖8個月既大日子

我地今朝一早就見到面,老婆今日請左假冇返到工,9點幾黎左我屋企,仲買左包俾我同屋企人食

之後就陪我老豆去左景峰個到睇中醫,個中醫講既野同西醫差唔多啦,但係講得嚴重d...跟著我老豆去左我姑姐到,我同老婆就去元朗,首先去左打機,之後去左千色,等間烤餅店開門,買左個"石板街雪糕加芒果烤餅",幾好食

跟著陪老婆去見工,先頭唔知間野係邊,老婆要見1點3,得返半個鐘,老婆開始燥燥地呀,怕怕佢呀><不過之後好快咁搵到個間野,去到仲有5個字...哈,好彩冇遲到,不過見個間野麻麻地,見完之後同老婆去左篤波,老婆玩得好搞笑,好傻,篤左一個鐘...之後唔知做咩好,周圍行,阿偉打黎話佢係元朗,同佢去左維苑到食tea,食到5點幾,一齊搭車返屯門,阿偉返屋企,我地就去左置樂篤波,老婆今次進步左好多啦...不過張學生証就快用唔到啦,冇得打學生價><

夜晚去左椰林閣食飯,好耐冇去過,我叫左個什扒,老婆就叫左個t骨牛扒,我地慢慢食,都應該食左幾耐下,食完野行左一陣市廣場,跟著同老婆行返屋企,好耐都冇試過啦,同埋同自己鐘意既人一齊行,個感覺真係好好,好舒服...行左一個鐘先返到去,雖然係好累,但係都值得>3<....之後係老婆樓下坐左陣,11點幾去搭車返屋企,等到11點半先有車,差唔多成12點先返到去