2007 年 10 月 16 日  星期二

買股票限定每次最少買一手，例如建設銀行，一手要1000股，股價$7.51，咁即係一手買要7510元，兩手就$7510x2，不過未計手續費，同其他稅收雜費，不過唔會太貴，預計$200-300左右(包括賣出股票個陣收費)，所以升個陣要計埋手續費嘅成本，變相買一二手好難短時間賺，除非你估到佢會勁升，而多手數就易賺，升少少已經見回報,不過風險一樣高咗。

抽新股用證券公司就唔太清楚手續，因為本人用銀行抽，去指定發行新股銀行攞表，填完，一定要用支票俾錢，跟住俾返發行銀行就得，到掛牌個日你就會收到信話你知抽唔抽到，而本人就用銀行嘅網上銀行抽新股，24小時都做到應購手續，唔使填表同支票，用戶口錢就得，不過你要先去銀行申請網上銀行，咁你就可以用佢做好多野包括買股、定期、借錢及基金等等，仲可以上網即時查價，呢個比較方便，而網上銀行同攞表分別就係攞表抽唔抽到都唔收你手續費，網上抽唔到一樣收你手續費，新股手續費會平d，睇下你係用邊間銀行，恆生就比較貴，其他大部份都唔過100，最低50。

 [ 編輯日誌 ] [ 分享至FACEBOOK ]